Të paktën katër persona e kanë humbur jetën kur një aeroplan i vogël sot u rrëzua gjatë fluturimit të trajnimit, në afërsi të një fshati në krahinën Habarovska, në lindje të Rusisë, transmeton Tass.
Nga hetimi policor mësohet se si arsye të mundshme për rrëzimin e aeroplanit përmenden gabimi i pilotit ose ndonjë defekt teknik të fluturakes së vogël, thekson agjencia.
Agjencia ruse paraprakisht njoftoi se gjatë rrëzimit të aeroplanit e kanë humbur jetën të gjithë tre personat në fluturake, por tani shtohet se nën mbetjet e tij është gjetur edhe trupi i katërt.
“Trupi i viktimës së katër është gjetur nën mbetjet e aeroplanit. Për momentin punohet në konfirmimin e identitetit të viktimave”, kumtoi drejtoria lokale. (MIA)