Kapen 10 emigrantë ilegal, ishin fshehur në një kamion transportues nga Tetova

Doganieri i doganës së Tetovës duke bërë kontrollin rutinë në kamionët të cilët kishin ardhur për doganë, dëgjon disa zhurma rreth orës 12. Ata në gjuhën turke i kanë kërkuar ndihmë, doganieri menjëherë e kupton se bëhet fjalë për emigrantë që në mënyrë të paligjshme janë futur në territorin e Maqedonisë. Ai menjëherë  ka lajmëruar policinë dhe ndihmën e shpejtë pasi që sipas tyre dy persona nuk janë ndjerë mirë me shëndet.  Pjesëtarët e policisë së Tetovës kanë nxjerrë edhe emigrantët nga kamioni i një kompanie transportuese nga Tetova  të cilën e ka drejtuar 25 vjeçari A.S nga Sellarca e Epërme  e Tetovës.

Nga sektori për punë të brendshme thonë se  emigrantët bashkë me shoferin e kamionit janë privuar nga liria dhe janë duke ndjekur proceduat e mëtejshme.

 “Brenda rimorkios ka pasur 10 persona nga mosha 15 deri në 49 vjeç të cilët kanë qenë emigrantë nga Iraku, Pakistani dhe Bangladeshi. Personat në fjalë janë privuar nga liria bashkë me shoferin e kamionit dhe janë mbajtur në stacionin policor në Tetovë për procedurë të mëtutjeshme”, tha Fatmir Rexhepi, zëdhënës i SPB-Tetovë.

Emigrantët të cilët janë gjetur sot në Tetovë  mendohet se në kamion kanë hyrë nga Greqia, disa prej tyre nuk kanë pasur dhe mjete identifikimi  por në bazë të të dhënëve që ata vetë i kanë dhënë në polici behët fjalë për persona nga mosha 15 deri në 49 vjeç.