Kamçevi nga “Shutka” sillet në Gjykatë, dëshmon kundër Boki-13

TË FUNDIT

Jordan Kamçev, në seancën e sotme gjyqësore kërkoi të përjashtohet nga roli i dëshmitarit në rastin për “Lidhjen Ndërkombëtare”. Kërkesën e tij, Kamçevi e lidhi me paraburgimin që i është caktuar.

Për këtë, siç tha, ka shkelje të ligjit dhe shtoi se gjykata nuk do të ketë asnjë dobi prej tij. Njëkohësisht porositi se tashmë nuk e di se cila Prokurori cilën lëndë e përfaqëson.

Kërkesa në fjalë ishte refuzuar nga prokurorja Ivana Trajçevska, e cila tha se masa paraburgimi i ishte shqiptuar për rast tjetër, i cili nuk ka të bëjë me këtë lëndë gjyqësore.

Dëshmitari Jordan Kamçev, tha se për Lidhjen Ndërkombëtare për herë të parë ka dëgjuar në vitin 2018. I ishin dërguar dy propozime – një për ndërtim të Feshën Moll dhe një tjetër për Shtëpi të Pleqve.

Siç pohon, të dyjat i ka refuzuar, propozimin e parë sepse nuk ka pasur asnjë logjikë ekonomike, kurse për të dytin, i kanë thënë se ka interes nga ana e djalit të Katica Janevës.

Nga ky moment, siç shpjegon Kamçevi, ka nisur tortura ndaj tij. Kamçevi në sallën gjyqësore ishte sjellë nga Shuto Orizare, ku vuan masën paraburgim prej 30 ditëve. Në këtë rast të akuzuar janë Boki-13, ish-deputetja e LSDM-së, Frosina Remenski, babai i të akuzuarit të parë, Mile Jovanovski , dhe Jasna Mandiq. Seanca e radhës do të mbahet më 24 mars./TV21

TË NGJAJSHME