Kalkulime sa shqiptar e sa maqedonas ka?! Politikanët japin përqindjet e tyre

Tre muaj para fillimit të regjistrimit të popullsisë, kanë nisur kalkulimet se sa përqind maqedonas e sa shqiptarë jetojnë në vend. Politikanët janë më të zëshëm kur bëhët fjalë për numrin e shqiptarëve. Deputeti i BDI-së Izet Mexhiti me qëndrim se në vend jetojnë mbi 25 përqind shqiptarë dhe për këtë nuk duhet pasur dilema.

 “Sipas të gjith indikatorëve shqiptarët do të jenë mbi 25 përqind, sipas nxënësve dhe sipas natelitetit. Të gjitha këto indikator flasin se janë më shumë se sa kanë qenë në regjistrimin e kaluar”, tha Izet Mexhiti – deputet i BDI-së.

I të njëjtit mendim është edhe kolegu i tij Arbër Ademi.

 “Vitin shkollor 2017/2018 121272 apo 64,22% nxënës maqedonas, ndërsa në paralelet në gjuhën shqipe janë regjistruar 60709 apo 32.15% . Mirëpo këtu nuk është në bazë të etnisë që e kanë fëmijët por në cilin gjuhë e ndjekin mësimin”, theksoi Arbër Ademi – deputet i BDI-së.

Ndërsa deputeti i ASH-së Halil Snopçe thotë se shqiptarët nuk janë më pak se 29 përqind.

 “Nëse i marrim të mirëqena të dhënat në vitin 2002. Dhe nëse i marrim statistikat e lindjes dhe vdekshmërisë prej vitit 2003 deri në vitin 2019 unë ju garantoj se shqiptarët nuk janë më pak se 29 përqind”, u shpreh Halil Snopçe – deputet i ASH-AAA.

Nga VMRO-DPMNE, parti kjo e cila nuk votoi për këtë ligj, thonë se regjistrimi është i politizuar.

 “Qëdrimi im është se nuk mund të largohet dilema se ka rrezik të jetë i politizuar regjistrimi. Unë pohoj se regjjistrimi i vitit 91 dhe ai i dështuari në 2011, ishin regjistime politike në vend se të jenë statistika”, potencoi Gordana Siljanovska – deputete e VMRO-DPMNE-së.

Ndërkohë njeriu i dytë i Entit për stratistikë, Ilmi Selami, u bën thirrje politikanëve mos të futen aty ku nuk e kanë vendin, pasi siç thotë ai, në regjistrimin nuk ka gisht politika.

 “Regjistrimi është një proces puro statistikor absolutisht nuk ka gisht politika. Nëse i lejojmë gisht politikës, gjithmonë intenca e politikës të futet aty ku edhe nuk e ka vendin. Nëse gjejmë arsye gjithmonë do të ketë arsye për të thënë se regjistrimi të shtyhet apo mos të mbahet. Por këto reagime të partive politike i vlerësoj si reagime për arritje të poenave politike”, tha Ilmi Selami – zv/drejtor i Entit për Statistikë.

Regjistrimi i fundit ne Maqedoni është bërë në vitin 2002. I radhës duhej të bëhej në 2011 por i njëjti dështoi, gjë për të cilën ka edhe lëndë në gjykatë. Zakonisht regjistrimet në shtete bëhen në 10 vite. Regjistrimi i popullsisë është paraparë të realizohet nga 1 deri më 21 prill.