Hyrja e një anijeje të Forcave të Vetëmbrojtjes Japoneze në Ngushticën e Tajvanit kërcënon seriozisht sovranitetin dhe sigurinë e Kinës, deklaroi të premten në një konferencë të rregullt shtypi zëdhënësi i Ministrisë së Punëve të Jashtme kineze Guo Jiakun, duke vënë në dukje që pala kineze e kundërshton fuqishëm këtë dhe i ka paraqitur protestë të fortë palës japoneze
Sipas tij, ushtria kineze e ka trajtuar hyrjen në përputhje me ligjet dhe rregulloret.
“Kjo ekspozon edhe një herë përpjekjen e rrezikshme të disa individëve në Japoni për të ndërhyrë ushtarakisht në Ngushticën e Tajvanit dhe për të minuar paqen e qëndrueshmërinë në të dy brigjet e ngushticës,” tha Guo, duke shtuar se këto lëvizje gjithashtu dëmtojnë rëndë bazën politike të marrëdhënieve kino-japoneze.
Zëdhënësi theksoi që çështja e Tajvanit lidhet me sovranitetin e integritetin territorial të Kinës, si edhe me bazën politike të marrëdhënieve kino-japoneze, duke përbërë një vijë të kuqe që nuk duhet të kalohet.