Nuk ka ndryshime në qëndrimin e pushtetit që të shpërbëhet përbërja aktuale e Këshillit Gjyqësor. Nga qeveria, pas shkrimeve të disa mediave se ata kanë hequr dorë nga ky premtim, njoftuan se mbeten në idenë të njëjtën ide.
Nga qeveria shtojnë se me mos shpërbërjen e Këshillave do të vazhdonte agonia dhe gjykatësit e prokurorët që janë vasalë të pushtetit, sipas parimit të së kaluarës, do të zëvendësoheshin me gjykatës dhe prokurorë të tjerë.
Paraprakisht, pjesë e ambasadorëve e kritikuan këtë premtim parazgjedhor të VMRO-DPMNE-së. Euroambasadori Dejvid Gir theksoi se Brukseli do të jetë seriozisht i shqetësuar për shkak të përzierjes së pushtetit ekzekutiv me pushtetin gjyqësor. Gir, por edhe ambasadorja e SHBA-ve, Ageler thanë se udhërrëfyes për reformat në Këshillin gjyqësor janë rekomandimet e Misionit vlerësues të BE-së që i përpiluan ekspertë europianë që ishin në vizitë të vendit tonë.