Jasir Asani, futbollisti nga Shkupi që luan për Kombëtaren Shqiptare, ka publikuar fotografi në rrjete sociale.
Shihet se ka marrë një pozicion, gati për të sulmuar, përcjell TV21.
A paraqet ky një paralajmërim, se nesër përmirësohet gabimi i bërë me Kilin?
Mbrëmjen e së hënës, “Legjionarët” e Kombëtares së Shqipërisë do të zhvillojnë në stadiumin “Friends Arena” të Stokholmit, në testin e dytë zyrtar para fazës së grupeve, të Kampionatit Evropian të futbollit, Euro 2024, teksa si kundërshtar do të kenë Kombëtaren e Suedisë, me “Vikingët”, që ka jo pak emër në futbollin botëror.
Pas përfundimit të konferencës zyrtare për media të trajnerit Silvinjo dhe mesfushorit Ylber Ramadani, skuadra zbriti në fushën e lojës dhe kreu seancën stërvitore në stadiumin “Friends Arena”, duke mbyllur kështu edhe përgatitjet për duelin miqësor ndaj Suedisë, stërvitje që zgjati më shumë se një orë në stadiumin e ndeshjes.
Skuadra ka punuar më shumë me topin, pa ngarkesa fizike dhe gjendja e lojtarëve është e mirë. I gjithë fokusi është vetëm te sfida e dytë miqësore e marsit ndaj Suedisë. Ndërkaq, kujtojmë se kjo është një përballje shumë e rëndësishme për “Legjionarët” tanë, që kërkojnë të hedhin “pas krahëve”, humbjen katastrofike 0 me 3, ndaj Kilit.