Jo me amendamente siç kërkon VLEN-i, VMRO-ja do ta luftojë korrupsionin me ligjet e tanishme

Koalicioni VLEN nuk mori mbështetje nga VMRO-DPMNE për idenë për ndryshimin e Kushtetutës për luftë kundër korrupsinit të lartë. Nga VLEN paraprakisht publikuan se kanë përgatitur amendamente kushtetuese me të cilat ndryshohet pjesa e retroaktivitetit të ligjeve, kështu që do të mundeshin nga fillimi të shqyrtohen të gjithë lëndët e deritanishme gjyqësore në të cilat janë përfshirë politikanë. Njëkohësisht nga VLEN parashohin që veprat penale eventuale të funksionarëve të mos mund të vjetërsohen dhe të rritet përfshirja e konfiskimit të pronës së përvetësuar në mënyrë të paligjshme. Nga VMRO-DPMNE u përgjigjën se do ta luftojnë korrupsionin me ligjet ekzistuese dhe paralajmëruan se së shpejti do të fillojnë me zbardhjen e rasteve.

Propozimi i VLEN vijoi pasi që BDI kërkoi mbështetje nga partitë tjera për idenë për veting ndërkombëtar për politikanët, gjykatësit dhe prokurorët.

VMRO-DPMNE i hodhi poshtë propozimet edhe të BDI-së edhe të VLEN-it. Nga LSDM paraprakisht theksuan se ata që në vitin 2019 kanë bërë thirrje për veting thelbësorë në gjyqësor, por siç shtojnë, për fat të keq as BDI as VMRO-DPMNE nuk e kanë mbështetur atë ide.