Jetë në një dhomë! Familja Saliu nga Kërçova jeton në kushte të rënda

Këtë rrugë çdo ditë e kalon familja Saliu nga fshati Baçisht i Kërçovës. Jetojnë në kushte të mjerueshme, sa dikujt edhe mund të mos i besohet se dikush jeton këtu.

Secili nga 3 katet e kësaj, nëse mund të quhet shtëpi, ka nga një dhomë. Në secilën prej tyre jeton një nga 3 vëllezërit.

Njëri prej tyre, ka familje 5 anëtareshe. Jetojnë në këtë dhomë që ka as kushtet elementare.

Dera e prishur, pa shtretër dhe pa asnjë kusht normal jetese.

“Enët i lajmë jashtë, për të fjetur është ngushtë por nuk kam se çfarë të bëjë. Prej në 2018 jetoj këtu. Shtëpia është 3 katëshe dhe secili kat ka vetëm një dhomë”, tha Arben Saliu .

Arbeni po mbart dru me kalë, por malin e ka larg dhe për një kub dru rrugën i duhet ta bëjë katër herë.
Paratë që nxjerr nga kjo punë i mjaftojnë vetëm për harxhimet ditore të fëmijëve, por jo edhe për të kursyer.

“Unë punoj me dru, mjeshtër, ku ka nevojë më shumë. Dru sjell me kalë dhe për 1 metra kub duhet të shkoj 5 ose 6 herë, edhe i kam shumë larg”, deklaroi Arben Saliu.

Arbeni bashkë me bashkëshorten dhe tre fëmijët e vegjël kërkon nga bamirësit ndihmë për të dalë nga kjo gjendje.

“Nga bamirësit kërkojmë nëse mundet dikush të na ndihmojë të na ndërtoj ndonjë shtëpi apo ndonjë banesë, çfarëdo që të jetë, vetëm të largohemi nga këtu sepse me të vërtet jam shumë keq”, tha ai.

Dy nga fëmijët shkojnë në shkollë dhe çdo ditë e kalojnë këtë rrugë të improvizuar, sepse rrugë tjetër nuk kanë. Vajzat e vogla i lamë me shpresën se dikush do t’u dalë në ndihmë, dhe festën e Bajramit ta presin në një vend më të mire se ky.