Shoqata financiare e kredive të shpejta “IUTE CREDIT” para një viti është mbyllur në Kosovë për shkak të dyshimeve se pas tyre qëndron kapital rus, dhe shërben për pastrim parash për biznesmenë dhe persona të fuqishëm nga Rusia dhe Estonia. E njëjta kompani e cila vepron edhe në Maqedoni, mohon se ka lidhje me Rusinë.
“Gjendemi para një prej filialeve të shoqatës financiare “IUTE CREDIT” E njëjta //u mbyll në shtetin fqinj, në Republikën e Kosovës. Kjo shoqatë vetëm gjatë vitit 2022, ka dhënë kredi të shpejta në vlerë të përgjithshme prej 41 milionë eurove ndërsa të ardhurat gjatë po të njëjtit vit, kanë shënuar vlerën prej 15,5 milionë eurove. Pyetëm udhëheqësinë e kësaj banke nëse kanë lidhje ruse, por të njejtët këto pohime i quajtën dezinformata”, raporton gazetari i TV21 Zekirija Haxhiu.
Jo, nuk ka asnjë kapital rus që mbështetë IUTE-n. Këto pretendime janë shpifje ndërsa motivet e fshehta bazohen në dezinformata. Pronarët e IUTE janë Tarmo Sild dhe Allar Niinepuu, që të dy shtetas të Estonisë që nga lindja. Estonia është anëtare e NATO-s dhe siç cekëm, nuk ka kapital rus në IUTE, thonë nga IUTE.
Për kreditë e shpejta foli edhe lideri i LD-së Izet Mexhiti, i cili në një intervistë të Alsat-m, tha se ka indikacione për involvim të kapitalit, por edhe involvuamim të drejtpërdrejt të Millan Radoiçiq, ish-nënkryetar i Listës Serbe në Kosovë.
“Bashkë me kazinotë është edhe një fenomen tjetër. Është fenomeni i kredive të shpejta që është legalizim i fajdes në RMV. // dhe këtu ka indikacione se është i involvuar kapital rus drejtpërdrejt dhe është i involvuar drejtpërdrejt Rajdoçiqi i përfoluri në veri të Mitrovicës. Të gjithë e dimë se aty ka funksionuar banditizmi ka funksionuar larja e parave, ka funksionuar gjithçka që ka të bëjë me ekonominë e zezë dhe një ndërlidhje është me kreditë e shpejta të cilat jorastësisht nga Kosova janë depërtuar, janë mbyllur krejtësisht”, tha Izet Mexhiti – Kryetar i LD-së.
Sipas Mexhitit gjithçka që po mbyllet në Kosovë po hapet në Maqedoni dhe shtoi duke i hapur rrugë investimeve ruse, vendi po rrezikon partneritetin strategjik SHBA-të, duke qenë se vendi është anëtarë i NATO-s .
Ndryshe vetëm gjatë vitit 2022, shoqata financiare “IUTE CREDIT”, qytetarëve u ka miratuar kredi të shpejta në vlerë prej 41 milionë eurove ndërsa gjatë po të njëjtit vit, ka realizuar të ardhura prej 15,5 milionë euro.
Nga IUTE gjithashtu mohojnë se drejtorët e tyre ndonjëherë janë takuar me Milan Radojçiç.
Shumë qytetarë u ankuan te Avokati i Popullit se në emër të tyre ja e marrë kredi te shpejta, e pikërisht për këtë nga Ministria e Financave njoftojnë se kanë gjobitur pesë shoqata financiare për shkak të dhënies së kredive përmes telefonit apo me email.