Ish-komandanti i Stacionit policor të Karposhit, kërkon 20 mijë euro pasi është përgjuar në mënyrë të paligjshme

Seanca e radhës për lëndën gjyqësore “Target-Fortesa”, është caktuar më 9 dhjetor. Mes dëshmitarëve të sotëm në këtë lëndë ishte edhe ish-komandanti i Stacionit policor të Karposhit, Bojan Veliçkovski, i cili tha se ka dyshuar se është përgjuar në mënyrë të paligjshme dhe për ato arsye ka parashtruar kërkesë deri tek PSP-ja, që të konfirmohet nëse është ndjekur ilegalisht.

“Arsyet e sakta pse janë ndjekur nuk i di, por mund të supozoj se vetëqeverisja lokale në Karposh ishte e vetmja qeveri opozitare në atë kohë. Unë kam pasur kontakt zyrtar me ta, sipas detyrave të mia të punës. Unë gjithashtu isha pjesë e sigurimit të rrënimit të “KOSMOS” Unë dyshoj se, jo se e di specifikisht për çfarë jam përgjuar, tha dëshmitari Veliçkovski.

Ai njëherit theksoi se me policinë është i lidhur afër katër shekuj.

“Asnjë denarë nuk kam marrë nga shërbimi, ose diçka tjerët. Në këtë rast jam ofendua shumë. Kërkoj dëmshpërblim, kërkoj 20 mijë euro në kundërvlerë të denarit”, potencoi Veliçkovski,

Gjykimi për në këtë rast e udhëheq këshilli penal i kryesuar nga gjyqtarët Xheneta Begtovic dhe Vladimir Tufegxhiq. Ndërsa prokuroria përfaqësohet nga prokurorët Lençe Ristovska, Trajçe Pelivanov dhe Artan Ajro.