Një ish-agjent i KGB-së që ka dezertuar për Perëndimin, thotë se rrethi i ngushtë i Presidentit të Rusisë, Vladimir Putin nuk ka informacion mbi gjendjen e tij shëndetësore.
Boris Krapiçkov në një intervistë për ‘The Sun’, shprehet se Putin është bërë paranojak.
Sipas tij, ai dyshon tek çdo kush, përfshirë shërbimin e sigurisë dhe personat e afërt.
Për të ruajtur imazhin e një personi të fortë, Karpiçkov thotë se Putin po mban të fshehtë dhe vështirësitë e tij shëndetësore.
“Ai është aq dyshues dhe i fiksuar pas ideve paranojake sa që mund të krahasohet me Stalinin”, shton ish-agjenti.
“Nuk jam doktor por ka shumë shqetësime serioze se Putini vuan nga disa sëmundje që mund të vijnë nga dëmtimet sportive kur ka qenë i ri”, thotë ai.
Sipas Karpçov, presidenti rus është i njohur në rrethin e tij të ngushtë për vëmendjen që u kushton detajeve dhe aftësinë për të kujtuar fytyrat dhe bisedat.
Në vitet e fundit të jetës, Stalini arriti deri aty sa që burgosi dhe një prej doktorëve të tij.
Putin gjithashtu ka nisur të marrë në pyetje dhe doktorët.
Kremlini deri tani i ka mohuar pretendimet për gjendjen shëndetësore të Putinit.
Sekretari për mediat, këmbëngul se ndodhet në gjendje “të shkëlqyer”.