Rastësi ose jo, arratia e Sasho Mijallkovit, mediatikisht la në hije aktvendimin e gjykatës për rastin Monstra, ku 3 të akuzuar u dënuan me burg të përjetshëm, një me 15 vjet dhe një tjetër me 9 vjet.
Në këtë përfundim ka arritur agjencia “Pikasa”, pasi më 23 shkurt ka monitoruar 400 media të ndryshme në Maqedoninë e Veriut, ku janë publikuar mbi 9500 artikuj të ndryshëm.
Arratisja ka dominuar si në rastin e prodhimit të lajmeve poashtu edhe reagimeve që ka shkaktuar nëpër rrjete sociale. Tek kjo e fundit madje, ikja e tij ka sjellë 72% të reagimeve dhe komenteve në rrjet, ndërsa rasti Monstra ka mbetur prapa me vetëm 13%.
Kjo u debatua mbrëmë në ClickPlus, ku i ftuar ishte Ziadin Sela, kryetar i opozitares Aleanca për Shqiptarët. Nga analiza që pa, Sela tha se nuk ka se si të shihet ndryshme, përveç se spin dhe teatër i Qeverisë dhe Mijallkovit.
“Dhe ligësia akoma më shumë thellohet sepse në momentin që në pyetje janë fate njerëzisht dhe fate familjesh të tëra dhe shqiptohet dënime për të cilat opinioni shumë ka qenë i interesuar, të bëhen marrëveshje të këtilla me një eksponent i cili është kryefjala e montimit të këtij procesi të montuar politik “Monstra”, vlerësoi Sela.
Përshtypje më të madhe le mbulimi mediatik në mediat maqedonase dhe ato shqiptare, tha gazetari dhe botuesi Lirim Dullovi. Monitorimi i bërë tregon dukshëm se mediat në gjuhën shqipe më së shumti kanë mbuluar gjykimin për Monstrën, ndërsa ato në maqedonisht ikjen e Mijallkovit.
“Ngelet përshtypja se mediat shqipe megjithatë i kanë dhënë më shumë rëndësi rastit “Monstra” që reflekton realitetin në këtë shtet, polarizimin etnik të popullatës dhe nuk është asgjë e re”, tha Dullovi.
Arratisja së Mijallovit, sipas opinioni të Besim Hodës dëshmon edhe më mirë se ky shtet nuk ekziston fare.
“Fatkeqësisht ne shqiptarët në Maqedoni, brenda 30 vjetëve patriotizmin e kemi treguar duke bërë reaksion dhe asnjëherë duke bërë reakcion dhe fatkeqësisht ende mbetemi në klasën e parë duke u marrë gjithmonë me skandale që koha po e dëshmon vazhdimisht që nuk janë të rastësishme, janë vetëm për të fituar kohë”, shtoi Hoda.
Monitorimi i Pikasa tregon se më 23 shkurt, në 136 media të ndryshme për ikjen e Mijallkovit janë publikuar thuajse 2 mijë artikuj, ose shprehur ndryshe, 15 artikuj për një media