I domosdoshëm përforcimi i OBSH-së dhe ndryshimi i mënyrës së financimit të saj, konsideron Parisi

Atë që e zbulon kriza me koronavirusin para së gjithash është forma e fituar dhe e përkeqësuar e natyrës së sfidave ndërkombëtare nga shekulli 21. Mund të gjendet shpëtim vetëm nëse dimë t’i bashkojmë përpjekjet në mënyrë që bashkarisht luftojmë kundër virusit. Askush nga ne nuk do të mund ta konsiderojë veten të mbrojtur përderisa pandemia nuk vihet nën kontroll. Shëndeti i secilit varet nga shëndeti i të gjithëve. Prandaj kjo krizë na përkujton në tre gjërat e domosdoshme të cilat çdoherë  duhet të na udhëheqin në drejtim të sfidave të sotme globale; domosdoshmëria e koordinimit, bashkëpunimi dhe solidariteti.

Këtë e thekson Zhan-Iv Le Drian, ministër për Evropë dhe Punë të Jashtme i Francës, në fjalimin përmes video-konferencës para ambasadorëve të akredituar në Francë, duke e paralajmëruar mbajtjen e edicionit të tretë të Foriumit paqësor të Parisit në nëntor të këtij viti.

“Kjo është arsyeja për të cilën, bashkësia ndërkombëtare sot duhet të bashkohet rreth Kombeve të Bashkuara dhe OBSH-së. Kriza nuk është prapa nesh – jemi larg asaj! – dhe nuk guxojmë t’ia lejojmë vetes atë luks të dobësimit të instrumentit të vetë universal të cilin duhet ta përdorim për t’u përballur me krizën. Ajo është çështje e konzistencës dhe pragmatizmit. Unë them “pragmatizëm” sepse, nëse Franca promovon multilateralizëm, ajo nuk është sipas ideologjisë. Por sepse ajo është metodë e cila e ka dëshmuar efikasitetin e vet dhe e cila më shumë se kurdo herë, është metoda e vetme relevante për ruajtje të të mirave publike botërore siç janë shëndeti dhe klima, biodiversiteti, arsimi apo siguria e ushqimit”, thotë Le Drian.

Megjithatë, shton ai, kur të vijë koha, do të duhet të pyetemi për atë që në të vërtetë nuk funksionon mjaft mirë dhe duhet të përmirësohet, t’i mësojmë të gjitha mësimet nga ajo nëpër të cilën kaluam tani, në mënyrë që të përgatitemi për krizat e ardhshme shëndetësore. Franca filloi të menduarit në këtë temë, rreth dy prioriteteve kryesore: është e domosdoshme të përforcohet OBBSH përmes zbatimit të një numri të caktuar të reformave dhe lidhur me rolin e saj normativ.

“Rregullativat ndërkombëtare shëndetësore, për të cilat garantuese është OBSH-ja, paraqesin instrument ndërkombëtar juridik i cili është juridikisht i obligueshëm për 196 vende të mbarë botës. Qëllimi i tij është ta ndihmojë komunitetin ndërkombëtar në parandalimin e rreziqeve serioze për shëndetin publik, ndërsa detyrë e saj është të japë përgjigje ndaj këtyre kërcënimeve. Prandaj është element thelbësor.

Prandaj i njejti duhet tërësisht të zbatohet nga shtetet. Megjithatë, sot nuk kemi mekanizma për verifikim lidhur me këto rregullativa ndërkombëtare shëndetësore. Prandaj duhet të mendojmë për atë. Mekanizmat e këtillë mund të kenë disa forma: mekanizma për revizion, publikim të rekomandimeve, inspektimeve”, thekson ministri francez për Evropë dhe punë të jashtme.

Kuptohet, thotë ai, se të gjitha mangësitë nuk duhet të mbeten pa pasoja. Mund të merren parasysh masa detyruese. Përforcimi i OBSH-së, gjithashtu, do të thotë edhe përforcim i rolit të saj në alarmim.

“Tashmë është planifikuar se shpallja e gjendjes së jashtëzakonshme shëndetësore në korniza ndërkombëtare varet nga Drejtori i përgjithshëm i OBSH-së, me rekomandim të komitetit të ekspertëve të pavarur. Por, ne duhet të shkojmë më larg dhe t’i japim OBSH-së mjete që në mënyrë të pavarur t’i kontrollojë informatat shëndetësore që i transmetojnë shtetet. Në mënyrë që të veprojmë shpejtë, na nevojitet transparencë dhe duhet të dimë çdo ditë se çka saktësisht po ndodhë me gjendjen shëndetësore në korniza ndërkombëtare. Ky është shkaku për të cilin Franca po e shqyrton mundësinë për formim të “Këshillit të kartë global për shëndetin e njerëzve dhe të kafshëve”. Ai Këshill do të jetë përgjegjës për alarmimin e qeverive dhe për informim të shoqërive, siç IPCC mund ta bëjë në pikëpamje të klimës”, thekson Le Drien.

Ky Këshill i lartë, shton, do të mundësojë edhe përforcim të tërë koordinimit, i cili u bë i domosdoshëm, mes organizatave kompetente ndërkombëtare: OBSH, Organizata për ushqim dhe bujqësi e Kombeve të Bashkuara (FAO), Organizata botërore për shëndet të kafshëve (OIE), por edhe Programi për mjedis jetësor të Kombeve të Bashkuara (UNEP).

Ai foli edhe për nevojën për ndryshim të mënyrës së financimit të OBSH-së “në mënyrë që t’i jepet Organizatës më shumë hapësirë për manovrim por edhe garancë më e madhe për pavarësinë e saj.

Edicioni i tretë i Forumit paqësor të Parisit është caktuar për më 11 nëntor të këtij viti./MIA