Hulumtim: A mund koronavirusi të depërtojë në tru?

Must Read

Pakoja e 4 e masave që peshon 350 milionë euro përfshin mbështetje të sektorëve dhe kategorive të qytetarëve më të goditur

Pakoja e katërt e masave ekonomike që peshon 350 milionë euro është vazhdimësi e tri pakove të...

Banorët e Sarajit i dorëzojnë stufat e vjetra me drurë dhe naftë

Në Komunën e Sarajit sot filloi aksioni i madh ekologjik i Qytetit të Shkupit dhe Qeverisë për...

Pendarovski dhe Pahor në Ohër në stërvitjen demonstruese të ekipeve speciale të Armatës

Presidentët e Maqedonisë së Veriut dhe Sllovenisë, Stevo Penarovski dhe Borut Pahor sot e vizituan Kampin për...
- Advertisement -

Dhimbjet e kokës, konfuzioni dhe jermi (deliriumi) i përjetuar nga disa nga të sëmurët me COVID-19 mund të jenë rezultat i një depërtimi të drejtpërdrejtë të koronavirusit në tru, sipas rezultateve të një studimi.

Sipas hulumtimit të udhëhequr nga imunologu Akiko Ivasaki nga Universiteti Jeil, virusi është i aftë të shumëzohet brenda trurit dhe prania e tij heq oksigjenin nga qelizat e trurit afër, por përmasat e fenomenit nuk janë ende të qarta.

- Advertisement -

Endru Xhozefson, kreu i Departamentit të Neurologjisë në Universitetin e Kalifornisë, San Francisko, tha se ishte “jashtëzakonisht e rëndësishme për të përcaktuar nëse ekziston apo jo një veprim i drejtpërdrejtë viral në tru”.

Sidoqoftë, ai shton se dëshiron të jetë i kujdesshëm duke marrë parasysh që përfundimet nuk janë shqyrtuar nga ekspertë të tjerë të fushës.

- Advertisement -

Virusi nga gjaku kalon në tru

Ekspertët besojnë se nuk është krejt e papritur që virusi SARS-CoV-2, i cili shkakton COVID-19, mund të kalojë nga gjaku në indin e trurit dhe të kapërcejë këtë pengesë fizike, detyra e së cilës është të ndalojë depërtimin e substancave të huaja në tru.

- Advertisement -

Kjo ka sukses, për shembull virusi zika, i cili ka çuar në dëmtime të konsiderueshme të trurit të fetusit.

Mjekët deri më tani kanë besuar se efektet neurologjike që shihen në gjysmën e të sëmurëve me COVID-19 janë rezultat i një reagimi të tepërt të sistemit imunitar i njohur si një stuhi citokine që gjithashtu shkakton inflamacion të indeve të trurit sesa depërtim të drejtpërdrejtë të virusit.

Duke studiuar indet e trurit të rritura në laborator, ekipi zbuloi se virusi SARS-CoV-2 është i aftë të infektojë qelizat e sistemit nervor dhe më pas të përdorë vetë neuronet për t’u kopjuar.

Qelizat e infektuara bënë që qelizat përreth të vdisnin duke i privuar nga oksigjeni që u duhej për të jetuar.

Zbulim i pranisë së koronavirusit në tru te pacientët

Një nga argumentet kryesore kundër teorisë së aftësisë së virusit për të depërtuar direkt në tru ishte se trurit i mungojnë nivelet e mjaftueshme të proteinave ACE2 me të cilat lidhet koronavirusi dhe e cila është e bollshme në organe të tjera si mushkëritë.

Sidoqoftë, ekipi zbuloi se kishte mjaft proteinë ACE2 në indet e trurit të rritura në laborator për të lehtësuar depërtimin e virusit dhe se kjo proteinë ekzistonte gjithashtu në indet e trurit të pacientëve të vdekur. Prania e koronavirusit u zbulua në trurin e tre pacientëve që vdiqën nga COVID-19.

Analiza të trurit

Në zonat e infektuara, nuk kishte asnjë shenjë se ato ishin të përshkuara nga qelizat e sistemit imunitar të tilla si qelizat T që nxitojnë në vendet ku viruset e tjerë si virusi zika ose virusi herpes duket se i shkatërrojnë ato.

Kjo sugjeron që një sistem imunitar tepër aktiv, i njohur si stuhia e citokinës, i cili është përgjegjës për pjesën më të madhe të dëmtimit të mushkërive te pacientët me COVID-19, mund të mos jetë shkaku kryesor i simptomave neurologjike te këta pacientë.

Një nga hipotezat e shkencëtarëve ishte se hunda mund të përfaqësojë rrugën e hyrjes së virusit në tru, por autorët e studimit deklarojnë se kjo duhet të konfirmohet nga hulumtimi.

Ata shtuan se më shumë autopsi ishin të nevojshme për të përcaktuar shkallën e dëmtimit të trurit në vdekjet nga COVID-19. shk/

- Advertisement -
  • Tags
  • 5

Pakoja e 4 e masave që peshon 350 milionë euro përfshin mbështetje të sektorëve dhe kategorive të qytetarëve më të goditur

Pakoja e katërt e masave ekonomike që peshon 350 milionë euro është vazhdimësi e tri pakove të mëparshme dhe është sublimim i...

Banorët e Sarajit i dorëzojnë stufat e vjetra me drurë dhe naftë

Në Komunën e Sarajit sot filloi aksioni i madh ekologjik i Qytetit të Shkupit dhe Qeverisë për dorëzimin e stufave të vjetra...

Pendarovski dhe Pahor në Ohër në stërvitjen demonstruese të ekipeve speciale të Armatës

Presidentët e Maqedonisë së Veriut dhe Sllovenisë, Stevo Penarovski dhe Borut Pahor sot e vizituan Kampin për trajnim në ujë të Armatës...

Padi penale kundër 10 personave pasi që slumuan nëpunësit policorë

Më 26.09.2020 SPB - Prilep ngriti padi penale kundër 10 personave në Prokurorinë Themelore Publike - Prilep, si më poshtë: E.E (28),...

Manastir, protestë kundër brutalitetit të policisë

Qytetarët e Manastirit sot protestuan kundër brutalitetit të policisë. Kjo protestë nga manastirasit erdhi pasi që disa ditë...
- Advertisement -

More Articles Like This

- Advertisement -