Kandidati për kryeministër i LDK-së, Avdullah Hoti, ka thënë se vendimi i Gjykatës Kushtetuese duhet të pranohet nga të gjithë dhe pa asnjë kundërshtim, sipas tij, vetë m kështu avancohet demokracia. “Çdo vendim i Gjykatës Kushtetuese duhet të pranohet nga të gjithë, pa asnjë kundërshtim, me urtësinë dhe detyrimin që kemi ndaj vendimeve të këtij institucioni gardian të Kushtetutës. Vetëm kështu e avancojmë demokracinë tonë. Nuk ka rrugë të dytë”, ka shkruar Hoti në Facebook. Hoti ka deklaruar se kjo kohë s’duhet shfrytëzuar nga askush për të shkelur liritë hemelore. “Në anën tjetër, kushdo që e shfrytëzon këtë kohë të masës përkohshme për të degraduar institucionet ekzekutive të vendit, rrënimin e ekonomisë dhe përdorimin e pandemisë për të shkelur liritë tona themelore, do të zhgënjehet keq, siç po zhgënjehen çdo ditë përmes shpalljes së vendimeve të tyre kundër kushtetuese nga ana e Gjykatës Kushtetuese”, ka shkruar Hoti. Në fund ai ka thënë se ”shumica parlamentare në Kuvendin e Republikës, duke e zgjedhur një Qeveri të re në përputhje me Kushtetutën, nuk do të lejojë që qytetarët dhe institucionet të merren nëpër këmbë nga struktura politike pa legjitimitet”. Gjykata Kushtetuese ka vendosur masë të përkohshme, gjegjësisht ka pezulluar dekretin e presidentit, Hashim Thaçi, për mandatimin e Avdullah Hotit nga LDK për kryeministër. /21Media