Hekurudha ekspres Kinë-Europë ka bërë 130.000 udhëtime deri të shtunën, të shënuara nga nisja e një treni mallrash nga Zhengzhou, kryeqendra e provincës Henan të Kinës Qendrore, me destinacion Hamburg, Gjermani, në mëngjes, sipas kohës lokale, shkruan “Xinhua”.
Vlera totale e ngarkesës i ka tejkaluar 520 miliardë dollarë amerikanë, sipas Grupit Shtetëror të Hekurudhave të Kinës.
Kompania bëri të ditur se ka optimizuar vazhdimisht rrugët operative të hekurudhës ekspres Kinë-Europë gjatë viteve, duke përcaktuar 93 linja të planifikuara me një shpejtësi të projektuar prej 120 km/orë.
Aktualisht, 129 qytete kineze operojnë shërbimet e hekurudhës, duke lidhur 235 qytete në 26 vende europiane dhe më shumë se 100 qytete në 11 vende aziatike, duke mbuluar pjesën më të madhe të Euroazisë.
Tarifat e mallrave kanë rënë me mbi 40 për qind që nga fillimi i shërbimit. Trenat tani transportojnë më shumë se 50.000 lloje mallrash në 53 kategori. Artikujt kryesorë të eksportit përfshijnë produkte me vlerë të lartë si automobila dhe pjesë këmbimi për automjete, makineri, elektronikë dhe pajisje elektrike, ndërsa importet në Kinë nëpërmjet shërbimit përfshijnë dru europian, produkte të specializuara bujqësore dhe mallra të konsumit të përditshëm.