Politikania franceze e ekstremit të djathtë Marin Le Pen dështoi në përpjekjen e saj për të anuluar vendimin për përjashtimin e saj nga zgjedhjet.
Këshilli i Shtetit (Conseil d’État), gjykata më e lartë administrative e Francës, e hodhi poshtë ankesën e deputetes dhe lidere e partisë Tubimi Kombëtar. Gjyqtarët thanë se rregulloret në fjalë mund të ndryshohen vetëm duke ndryshuar ligjin.
Një gjykatë më herët në prill e dënoi Le Pen për keqpërdorim të mjeteve të Bashkimit Evropian. Pjesa më e diskutueshme e vendimit ishte një ndalim pesëvjeçar për të kandiduar në zgjedhje, i cili hyri në fuqi menjëherë, në vend të një dënimi me burgim pjesërisht të pezulluar. Ajo paraqiti një apel të veçantë kundër vendimit.
Zgjedhjet e ardhshme presidenciale, në të cilat Le Pen planifikonte të kandidojë, janë planifikuar për vitin 2027. Duke pasur parasysh krizën aktuale politike në Francë, ekziston edhe mundësia e zgjedhjeve të parakohshme parlamentare në të cilat asaj i ndalohet gjithashtu të marrë pjesë