“Gjuha maqedonase është bullgare” – Portugalia ka shprehur keqardhje ndaj Dimitrovit dhe Osmanit

“Në Evropë do të hyjmë vetëm si maqedonas dhe që flasim maqedonisht”, kështu zëvendëskryeministri për çështje evropiane, Nikolla Dimitrov u përgjigj ndaj ministres për Evropë të Portugalisë, Ana Paola Zakarijas e cila tha se “gjuha maqedonase është gjuhë bullgare”.

Shtoi se qëndrimi i Zakarijas nuk pasqyron qëndrimin e Portugalisë dhe atë çfarë përmban propozimi portugez për zgjidhjen e kontestit mes Shkupit dhe Sofjes.

“Dje edhe unë, edhe Ministria e Punëve të Jashtme, përfshirë këtu edhe ministrin kemi pasur kontakte të shumta me përfaqësues të Portugalisë, gjegjësisht kryesimin portugez. U folëm për këtë gjë joadekuate, e cila mes të tjerash është potencuar në deklaratën e Qeverisë. Morëm sigurinë se deklarata aspak nuk e pasqyron qëndrimin e Lisbonës e cila mbetet në qëndrimin e propozimit portugez dhe është shprehur keqardhje në këtë kuptim”, tha Dimitrovi.

Sipas tij, tërë ky debat për gjuhën maqedonase del nga ajo se në propozimin që doli nga Komisioni Evropian, thuhet se tërë legjislatura e BE-së do të përkthehet në gjuhën maqedonase dhe se shteti duhet të ketë mjaftueshëm përthyes deri në momentin e anëtarësimit.

Këto deklarata ai dha pas prezantimit të Programit nacional për harmonizimin e së të drejtës së Bashkimit Evropian, me anë të së cilit u dërgua edhe porosi politike ndaj Bullgarisë.

“Arsyeja se pse vendosa ta prezantoj Programin nacional në publik, nëpërmjet konferencës për media është që shpreh respekt dhe falënderim për punën e këtyre 800 nëpunësve shtetëror dhe e dyta si porosi politike – të tregoj se mundet një shtet anëtar, Bullgaria të vendos veto për nisjen e negociatave qasëse për miratimin e kornizës negociuese dhe mbajtjen e konferencës së parë ndërqeveritare, megjithatë askush nuk mund të vendos veto agjendës së brendshme reformuese. Evropianizimi duhet të vazhdojë”, u shpreh Dimitrov.

Në hartimin e këtij Programi janë përfshirë 800 nëpunës shtetëror dhe rreth 150 institucione. Programi është adaptuar edhe me Metodologjinë e re për negociatat qasëse të Bashkimit Evropian dhe rekomandimet në raportin e fundit të Komisionit Evropian, duke grupuar kapitujt në 6 klasterë apo fusha strategjike. Sfida e radhës është implementimi i saj, e cila duhet të dëshmojë se demokracia në vend është stabile dhe dinamika e Programit nuk do të ndryshojë pas çdo cikli zgjedhor.