Gjon Muharremaj në Tiranë: Asnjëherë nuk e kam fshehur faktin që jam shqiptar

Artisti që bëri bujë në Eurovisionin 2021 padyshim që është edhe shqiptari, Gjon Muharremaj i cili me zërin e tij, arriti që të rangojë të tretën Zvicrën, vendin ku jeton dhe vepron për momentin.

Ai sot ka shkuar në Tiranë, ku do të qëndrojë për disa ditë dhe pa dyshim, e presin paraqitje të shumta para mediave, pasi ai për momentin është shqiptari më i kërkuar në trojet shqiptare dhe më gjerë.

Ai në një paraqitje para mediave, pasi arriti në Tiranë, tha:

“Unë asnjëherë nuk e kam fshehur faktin se jam shqiptar dhe që i kam prindërit nga Shqipëria dhe Kosova dhe unë ndihem sikur vij nga të tre vendet: Kosova, Shqipëria dhe Zvicra”.

Ai ka ftuar të gjithë të rinjtë, të cilët kanë talent, të ngrisin vetëbesimin dhe të punojnë për të arritur sukses./TV21