Gjobitet tetovari që kaloi pikëpagesat pa paguar, i çmontohet edhe “flasheri”

Është gjobitur dhe iu është çmontuar “flasheri” banori të Tetovës, pasi kishte kaluar pikëpagesat pa paguar, duke treguar “flasherin”.

Zyrtarët policorë nga Stacioni Policor Tetovë, më 03.02.2021 në 21:00 kanë parashtruar gjobë ndaj personit Sh.S. (20), i cili në mënyrë të paligjshme me automjetin Audi me targa të Tetovës, duke përdorur të ashtuquajturën “Flashera” dhe sinjal të zëshëm të ngjashme me ato të policisë, ka kaluar pa paguar taksën rrugore në stacionin pagesor Zhelinë”, thuhet në njoftimin e SPB Tetovë

Nga atje shtojnë, se personi Sh.S. në bisedën zyrtare e kishte pranuar shkeljen e kryer dhe të ashtuquajturat drita sinjalizuese “Flashera” janë çmontuar.

Ndërkaq, Ministria e Brendshme në bashkëpunim me Inspektoratin Shtetëror për Transport, më 31.01 dhe 01.02 ka sanksionuar 32 persona për përdorim të paligjshëm të të ashtuquajturve “Flashera”./TV21