Numri i të vdekurve nga dy tërmetet e fuqishme me magnitudë 7.2 dhe 7.5 ballë, që goditën veriun e Venezuelës gati një muaj më parë, ka arritur në 5.208 persona, pasi autoritetet shtuan edhe 89 viktima në bilancin e fundit.
Siç njoftoi kryetari i Asamblesë Kombëtare, Jorge Rodríguez, numri i të lënduarve mbetet 16.740, ndërsa 17.907 persona kanë mbetur pa strehë.
Përveç kësaj, 23.820 banorë janë vendosur në 107 kampe të përkohshme, ndërsa ekipet përgjegjëse deri tani kanë ofruar ndihmë për 128.324 familje të prekura nga pasojat e katastrofës natyrore.
Pas tërmeteve shkatërruese që goditën vendin më 24 qershor, janë regjistruar gjithsej 1.388 lëkundje të tjera pasuese. Tërmeti i fundit me magnitudë 3 ballë u regjistrua mëngjesin e djeshëm, rreth 9 kilometra në perëndim të La Guairas, në një thellësi prej 3.9 kilometrash, sipas të dhënave të Fondacionit Venezuelas për Kërkime Sizmologjike.
Autoritetet po vazhdojnë operacionet e shpëtimit dhe ndihmës humanitare në zonat e prekura, ku përveç humbjeve njerëzore janë regjistruar edhe dëme të mëdha materiale në ndërtesa dhe infrastrukturë.