Gjithçka u shtrenjtua, rrogat mbeten të njëjta. Në vendet e BE-së me inflacionin rriten edhe rrogat

TË FUNDIT

Pagat në vend nuk ndjekin inflacionin si në vendet europiane, por ndjekin çmimet e produkteve. Zëvendëskryeministri për çështje ekonomike Fatmir Bytyqi thotë se është qesharake të krahasohemi me vendet e BE-së sa i takon standardit.

 “-Fatkeqësisht, për shkak të vendimeve të gabuara në të kaluarën, ne ende jemi larg BE-së.

-Fatkeqësisht, këto krahasime nuk mund të bëhen.

-Por, çmimet janë të njëjta si në qytetet europiane.

-Të krahasoni një nga vendet-anëtare më të vjetra të BE-së, me një vend-aspirant për anëtarësim, është e pakrahasueshme.

-Për të huajt që vinin në vend këtë verë ishte shtrenjtë të blejnë me rrogat e tyre europiane?

-Nuk mund të komentoj, sepse nuk i kam dëgjuar.

– Nuk i shihni çmimet?

– I shohim çmimet”, tha Fatmir Bytiqi, zëvendëskryeministër për Çështje Ekonomike.

Ai apelon që atje ku ka krijim dhe rritje artificiale të çmimeve, të njëjtat të ulen për ta ndjekur standardin e jetesës së qytetarëve. Por, pyetëm zëvendëskryeministrin Bytyqi, se cilat janë masat konkrete me të cilat krenohet Qeveria e me të cilat kategoritë në rrezik social do të mund ta përballojnë tërë krizën ekonomike?

Gjithçka që është bërë që nga ndryshimi i Qeverisë e deri tash është një pasqyrë krejtësisht tjetër e shoqërisë sonë. Askush nuk mundej t’i planifikonte këto kriza që na ndodhin tashmë tre vite me radhë. Në këtë moment po përgatitet një pako masash që do t’u dedikohet kategorive të rrezikuara qytetarësh, gjegjësisht përfituesve të të ardhurave të garantuara minimale dhe të tjerëve me të ardhura të ulëta, shtoi Bytyqi.

Praktika në Austri është që bashkë me inflacionin, të rriten edhe rrogat, thotë ekonomisti Branimir Jovanoviq, profesor në Institutin e Vjenës për Çështje Ekonomike Ndërkombëtare.

“Gjatë viteve të fundit në pushtet ishin të djathtët, por edhe përkundër kësaj, politikat që po zhvillohen janë më të orientura kah e majta, për dallim nga politikat që udhëhiqen në Maqedoni nga ana e socialdemokratëve. Qeveria tashmë ka sjellë dy pako për të ndihmuar qytetarët që t’i përballojnë kostot më të larta. Para disa muajsh solli një masë për mbështetje financiare prej 150 apo 300 eurove, varësisht nga të ardhurat e njerëzve, me qëllim që njerëzit të mund t’i paguajnë faturat më të larta të energjisë elektrike. Tani u soll pakoja e dytë e cila parasheh që të gjithë të rriturve t’u jepet nga 500 euro dhe të gjithë fëmijëve nga 250 euro, pra për një familje katëranëtarëshe me dy fëmijë dhe dy të rritur gjithsej 1.500 euro që të mund t’ia dalin me shpenzimet më të larta”, tha prof Branimir Jovanoviq nga Insituti i Vjenës.

Qeveria e Austrisë ka vendosur ta kufizojë çmimin e gazit dhe të energjisë elektrike për të parandaluar rritjen e mëtejshme të inflacionit, por ne ende nuk e dimë nëse do të kemi ngrohje, kurse e dimë se energjia elektrike do të jetë me çmim më të lartë. Ndryshe, Austria ka bërë me dije se nga viti i ardhshëm do të ketë rritje të të gjitha pagave.

error: Content is protected !!