Sipas të dhënave të fundit, në botë, me koronavirusin e ri deri tani janë infektuar gjithsej 3.003.229 persona. Prej tyre kanë vdekur 207.094, ndërsa janë shëruar 882.552 persona.
“Në Kinë në 24 orët e fundit janë konfirmuar tre raste të reja me Kovid-19, që është për 11 më pak në krahasim me dje, ndërsa nuk është lajmëruar asnjë rast i vdekjes. Në Kinë deri tani janë evidentuar gjithsej 82.830 njerëz të infektuar me koronavirusin e ri, ku 4.633 kanë vdekur.
“Në Gjermani janë konfirmuar 1.018 persona të infektuar me Kovid-19, me çka numri është ngritur në 155.193. Ndërsa numri i përgjithshëm i të vdekurve është rritur për 110 dhe arrin 5.750.
-Zvicra ka paralajmëruar zbutje të masave për shkak të epidemisë së Kovid-19 në tre faza, sot hapen sallonet e parukerisë dhe ato kozmetike, lulishtet, ordinancat private mjekësore dhe fizioterapike. Faza e dytë nis më 11 maj dhe do të hapen shkollat dhe dyqanet, ndërsa nga 8 qershori do të hapen muzetë, kopshtet zoologjike, bibliotekat dhe universitetet. Në vend me Kovid-19 janë infektuar 29.061, ku 1.610 kanë vdekur, ndërsa janë shëruar 21.800. Japonia ka ndaluar hyrjen e udhëtarëve edhe të 14 shteteve, mes tyre nga Rusia, Arabia Saudite dhe Emiratet e Bashkuara Arabe me qëllim të parandalimit të përhapjes së koronavirusit.
-Në Japoni janë regjistruar 13.441 të infektuar, ku 372 kanë vdekur, ndërsa janë shëruar 1.809 persona.