Gjykata Evropiane për të drejtat e njeriut (GJEDNJ) sot vendosi se padia e Ukrainës kundër Rusisë për aneksimin e Krimesë në vitin 2014 është “pjesërisht e lejuar”, ndërsa vendimi në bazë të padisë do të sillet më vonë, lajmëroi korrespondenti i MIA-s.
Kievi e akuzon Moskën se është fajtore për “shkeljet e shumta të Konventës Evropiane për të Drejtat e Njeriut të Krimesë” nga shkurti i vitit 2014 deri në gusht të vitit 2015, citohet në kumtesën e GJEDNJ-së.
Sipas Gjykatës së Strazburgut, Rusia ka kryer “kontroll efektiv” mbi Krimenë, për çka dëshmoi “vëllimi dhe fuqia e pranisë ushtarake ruse” në gadishullin ukrainas. Kjo prani “ishte përforcuar nga janari deri në mars të vitit 2014 pa pajtim të autoriteteve ukrainase dhe në mungesë të ç’farëdo lloj elementi që sugjeronte se ekziston kërcënim për trupat rus të stacionuar në Krime”, përkujton GJEDNJ.
Gjykata gjithashtu shënoi se dëshmitë e nxjerra nga Kievi para gjykatës ishin koherente dhe të pajtueshme. Ato përmbajnë, informata detajore dhe specifike, të mbështetur me dëshmi të mjaftueshme të cilat tregojnë në atë se ushtarët rus nuk ishin vëzhgues pasiv por se ato në mënyrë aktive kanë marrë pjesë në gjoja ngjarjet.
Gjykatësit evropian paralajmërojnë se konkluzioni nuk paragjykon çështjen e përgjegjësisë së Rusisë, që do të hyjë në procedurë thelbësore sipas lëndëve.
Rekursi drejt kësaj procedure ndërshtetërore, me të cilën një shtet padit tjetrin para GJEDNJ-së, është jashtëzakonisht i rrallë. Nga hyrja në fuqi e Konventës Evropiane në vitin 1953, janë identifikuar 27 raste të tilla. GJEDNJ, gjithashtu shënon se nuk është kërkuar të konfirmojë “nëse integrimi i Krimesë, sipas ligjit rus në Federatën Ruse është legal nga pikpamja e të drejtës ndërkombëtare”.
Aneksimi rus i gadishullit ukrainas Kirme në vitin 2014 ishte ndjekur me luftë me separatistët prorus në Ukrainën lindore, që la pothuajse 13.000 të vdekur.