Gir kundër shpërbërjes së Këshillit Gjyqësor – “Masat drastike jo çdoherë japin rezultate”

Euroambasadori Dejvid Gir, nuk i kurseu kritikat për premtimin parazgjedhor të VMRO-DPMNE-së për shpërbërjen e Këshillit Gjyqësor dhe Këshillit të Prokurorëve. Sipas tij, pushteti i ri patjetër të jetë i kujdesshëm, ndërsa hapat drastik, siç shtoi Gir, jo çdoherë japin rezultate. Euroambasadori e përshëndeti ambicien e pushtetit për luftën kundër korrupsionit, por shtoi se avancimi në këtë sferë do të vlerësohet në bazë të asaj që është bërë në praktikë. Gir bëri thirrje që të zbatohen rekomandimet e Misionit vlerësues të ekspertëve të BE-së, që punuan për reformat në Këshillin gjyqësor.

“Përpjekjet që të përforcohet sundimi i së drejtës nuk duhet të bëhet në mënyrë që mund të shkel parimin e ndarjes së pushtetit. Për shembull, shpërbërja e Këshillit Gjyqësor dhe Këshillit të prokurorëve publik, thënë drejtpërdrejtë, do të ishte intervenim në pavarësinë e gjyqësorit dhe kjo do të jetë çështje për shqetësim serioz” tha Gir.

Edhe ambasadorja e SHBA-ve, Anxhela Ageller, porositi që të respektohet raporti i ekspertëve europianë. Me të, siç thotë, do të ketë Këshill gjyqësor që do t’i mbrojë të pafajshmit, ndërsa do t’i sanksionojë ata që mendojnë se janë mbi ligjin.

 “Raporti i Misionit vlerësues të BE-së është udhërrëfyes i rëndësishëm për ristrukturimin e Këshillit Gjyqësor dhe kthimin e rolit të tij në gjyqësor. Ai është armë e rëndësishme në arsenalin e armëve, që do të nevojiten që gjyqësori në Maqedoninë e Veriut të transformohet realisht në institucionin që i shërben qytetarëve”, deklaroi Ageller.

Kryetarja aktuale e Këshillit, Vesna Dameva, kërkoj që në vend që të sanksionohet e gjithë përmbajtja për sjelljen joligjore të tjerëve, të kërkohet përgjegjësi individuale. Sipas saj, ideja e pushtetit mund të ketë pasoja negative.

“Në periudhën nga shpërbërja e Këshillit gjyqësor deri te konstituimi i Këshillit të ri gjyqësor, do të krijohet periudhë vakumi, e cila edhe pse do të jetë e shkurtë, të themi disa muaj, megjithatë do të ekzistojë rreziku që të vjetërsohen disa procedura të caktuara, të iniciuara pikërisht nga qytetarët për veprimin joprofesional dhe jopërgjegjës të disa gjykatësve”, tha Demeva.

Paraprakisht kryeministri Hristijan Mickoski tha se shpërbërja e Këshillit është premtim kyç në luftën kundër krimit dhe korrupsionit dhe e ka mbështetjen e mbi 600 mijë votuesve. Një pjesë e ekspertëve reaguan se në këtë mënyrë pushteti ekzekutiv përzihet në punën e pushtetit gjyqësor.