FSK niset për operacionin e shuarjes së zjarreve në Shqipëri

Ministri i Mbrojtjes, Armend Mehaj ka bërë të ditur se trupat e FSK-së janë nisur për të i dalë në ndihmë Shqipërisë.

Mehaj ka shtuar se qysh prej fillimit të zjarreve i ka ofruar mbështetje motrave dhe vëllezërve shqiptar.

”Pas rëndimit të situatës, përveç në zonat jugore tani më edhe në ato veriore, dhe kërkesës së autoriteteve shqiptare për mbështetje, kam marrë siguruar homologun tim , ministrin Peleshi, se vullneti im për zbarkim të kontingjentit të FSK-së në operacion për shuarjen e zjarreve, do të përkrahet fuqishëm nga Qeveria e Republikës më në krye kryeministrin Kurti dhe Presidenten e Republikës, Vjosa Osmani. Kam dhënë direktivën për ngritjen e task-forcës së FSK-së dhe gatishmërinë e tij dhe me dhënien e autorizimit zyrtar nga ana e Komandantes Supreme të Forcave të Armatosura, Presidentes Osmani, tani kontingjenti i FSK-së është nisur drejtë zonave të prekura dhe angazhimit të tyre në operacion në kuadër të forcave reaguese të Republikës së Shqipërisë”, ka shkruar Mehaj në ”Facebook”./21Media