Ylli, Vin Diesel ka treguar se filmi i famshëm “Fast and Furious” së shpejti do të përfundojë.
Aktori i cili ka luajtur karakterin e Dominic Toretto që nga pjesa e parë e “Fast and Furious” në një intervistë zbuloi se “Universal Pictures” ka në plan të përfundojë sagën me dy filma të tjerë pas serisë së fundit të titulluar “F9”.
Diesel gjithashtu tha se dy filmat e fundit potencialisht mund të shfaqen përkatësisht në vitin 2023 dhe 2024, transmeton tv21.tv.
“Çdo histori meriton fundin e vet”, tha ai.
“E di që njerëzit do të ndihen sikur nuk duhet të mbarojë, por mendoj se të gjitha gjërat e mira duhet ta kenë një fund.
Ka arsye për një finale” shtoi ai. Filmi ka arritur fitime të mëdha, ku vetëm dy seritë e fundit kanë arritur më shumë se 1 miliard dollarë fitime secili./21Media