Filmi “Dera e hapur” është kandidat i Shqipërisë për Oskar

Filmi artistik “Dera e hapur” – debutim i regjisorit të ri shqiptar Florenc Papas, në të cilin Maqedonia e Veriut është koproducente, është kandidat për Oskar i Shqipërisë në kategorinë për film më të mirë të huaj.

Filmi është produksion i “Bunker film+” nga Shqipëria, ndërsa koproducentë janë “Sirkëll film” nga Kosova, “Lupin film” nga Italia dhe “Avard film dhe video” nga Maqedonia e Veriut, ndërsa me mbështetje edhe të Eurimazh.

“Dera e hapur” është xhiruar në Shqipëri në vitin 2018. Rrëfimi është për një grua të martuar dhe motrën e saj shtatzënë të cilat po tentojnë që të gjejnë burrë që të aktrojë bashkëshortin e saj para takimit me babanë e tyre të rreptë, tradicional.

Krahas producentëve Goran Stoillkoviq dhe Vlladimir Stojçevski, nga ana e Maqedonisë në projekt marrin pjesë edhe aktori Visar Vishka, kompozitori Aleksandër Pejovski, Fejmi Daut, si asistent i parë i kamerës, disenjatori i zërit Igor Popovski nga studio “Audiohaus”, bashkë me tërë ekipin e sektorit të zërit të përbërë nga Risto Alçinov, Ilija Cvetkovski, Dragan Spasov, Nenad Stefanovski dhe Leotrim Voka.

Premiera botërore e filmit ishte vitin e kaluar në Programin kryesor të Festivalit të Sarajevës, ndërsa premiera e Maqedonisë ishte në Festivalin “Vëllezërit Manaki” në Manastir. Filmi ishte shfaqur edhe në pesëmbëdhjetë festivale të rëndësishme përgjatë botës.