Pronari i klubit, edhe pse ka qenë i vetëdijshëm që nuk i plotëson kushtet, i ka dhënë para një të punësuari në Ministrinë e Ekonomisë që t’i jepet licencë e falsifikuar për punën në diskotekën “Puls”, tregojnë informacionet nga hetimi për tragjedinë.
“Kundër të punësuarit në Ministrinë e Ekonomisë është ngritur procedurë për marrjen e ryshfet”, tha Lupço Kocevski – Prokuror shtetëror publik.
Të dyshuar janë tre bashkëpronarët e klubit. Megjithatë hetimi për tragjedinë përfshinë edhe ish ministrin e ekonomisë, Kreshnik Bekteshin, ish sekretaren shtetërore, Razmena Çekiq dhe më shumë të punësuar në Ministri.
“Të gjithë ata me mosybatimin e detyrave të tyre zyrtare, që kanë për obligim t’I kryejnë në aspect juridik, nuk kanë vepruar sipas rregullave teknike për masat për mbrojtje”, shtoi Lupço Kocevski – Prokuror shtetëror publik.
Lëshime ka bërë edhe ish drejtori I ISHT, Goran Trajkovski, paraardhësi i tij dhe tre inspektorë të tjerë.
“Në asnjë rast nuk kanë kryer kontroll për punën e personit juridik që të konfirmojnë nëse ka licencë valide”, deklaroi Lupço Kocevski – Prokuror shtetëror publik.
Hetimi i ka përfshirë edhe tre kryetarët e Koçanit, Ratko Dimitrovski, Nikollço Iliev dhe Lupço Papazov, si dhe ish drejtorin e Drejtorisë për mbrojtje dhe shpëtim.
“Kanë mundësuar që kabareja “Puls” në mënyrë joligjore të vazhdojë me kryerjen e veprimtarisë hotelierike në kundërshtim me Ligjin për veprimtari hotelierike dhe kushtet tjera të parapara në përputhje me Ligjin. Për gjithë këtë periudhë, Komuna ka marrë pagesa në bazë të kompensimit për objekt hotelierik”, potencoi Lupço Kocevski – Prokuror shtetëror publik.
Kocevski paralajmëroi hetim të shpejtë. Prokuroria kërkon paraburgim 30 ditorë për të gjithë 27 personat fizik, ndërsa për pjesën më të madhe të tyre tashmë ka marrë dritë jeshile nga Gjykata. Në paraburgim tashmë janë edhe policët nga Shtipi dhe Koçani të cilët kanë dhënë mendim pozitiv për punën e klubit, kështu që numri i përgjithshëm i të akuzuarve tani për tani është 34. Procedurë udhëhiqet edhe kundër personave juridik – vetë klubin, Agjencinë e sigurimit, si dhe kompaninë që e ka përgatitur projektin bazë për riorientimin e objektit edhe pse sipas ligjit kushtet nuk janë plotësuar. Nga ana tjetër, ata që e kanë siguruar klubin nuk kanë vepruar sipas planit dhe vlerësimit të sigurisë, nuk kanë penguar futjen e mjeteve piroteknike dhe e kanë tejkaluar kapacitetin, njëkohësisht edhe me të mitur.