Filipçe: Vaksinë ende nuk kemi, qytetarët të respektojnë masat për mbrojtje

Virusi është këtu në mes nesh dhe nuk do të zhduket dhe se duhet patjetër që t’i respektojmë të gjitha masat, tha ministri i Shëndetsisë, Venko Filipçe. Ai shtoi se për korona virusin ende nuk ka vaksinë prandaj qytetarët doemos duhet të respektojnë masat për mbrotje nga virusi.

-Një pjesë e madhe e asaj se si do të zhvillohet edhe më tej puna me virusin varet nga të gjithë ne me respektimin e masave. Atë që e kemi themi ditëve kaluara se epidemia është nën kontroll është në bazë të analizave që janë bërë në lidhje me kapacitet e sistemit shëndetësor dhe ndjekja e saktë e kontakteve e të infektuarve të rinj. Nuk ka mënyrë tjetër përveç distancës fizike, maskave mbrojtëse dhe mbajtja e rregullt e higjienës dhe dezinfektim i duarve që mund t’i japin fund transmetimin të virusit edhe më tej,- tha Venko Filipçe, ministër i Shëndetësisë. /TV21