Festat në karantinë, Evropa do të mbyllet! Me orë policore do të pengohen tubimet

Qytetarët e Gjermanisë shpejtonin që të përfundojnë blerjen për festat. Autoritetet e atjeshme paralajmëruan se gjendja me pandeminë është shumë serioze dhe se para Krishtlindjeve në fuqi do të hyjnë masa të cilat deri më tani nuk janë parë në historinë e Gjermanisë.

“Për mua krishtlindjet janë dashuri dhe nuk ka nevojë për dhurata. Më e rëndësishme për mua është të jem me familjen, kjo është Krishtlindja. Për fat të keq këtë vit është e ndaluar dhe kjo është shumë e trishtueshme.

E kemi patjetër pak të shpejtojmë për shkak se nga nesër gjithçka do të jetë e mbyllur. Është keq por është ashtu siç është. Sinqerisht kanë mundur këtë ta bëjnë më herët e jo vetëm para Krishtlindjeve kur njerëzit janë nën stres dhe nuk kanë kohë. Është pak vështirë por do t’i bëjmë disi”.

Presidenti gjerman paralajmëroi se gjendja është afër daljes nga kontrolli dhe paralajmëroi vendosjen e masave restriktive nga e mërkura.

 “Virusi ende është shumë i fuqishëm. Andaj nga e mërkura do të vendosim masa restriktive që nuk janë parë në historinë e shtetit tonë. Gjendja është serioze. Po përballemi me pandeminë që doli nga kontrolli dhe që merr mijëra jetë çdo javë. D.m.th. nuk ka mënyrë që të shmangen masat drastike”, tha Frank Valter Shtajnmajer – President i Gjermanisë.

Kancelaria Merkel deklaroi se “mbyllja e lehtë” në Gjermani do të vazhdojë deri më 10 janar.

 “Për shkak të blerjeve të krishtlindjeve, numri i kontakteve në mënyrë shtesë është rritur dhe andaj duhet të vendosim masa më rigoroze. Jemi të vetëdijshëm se kjo do të ketë ndikim të madh, por duhet të ndalojmë presionin ndaj sistemit shëndetësor”, u shpreh kancelarja gjermane, Angela Merkel.

Holanda dhe Çekia do ta ndjekin Gjermaninë me vendosjen e mbylljes gjatë kohë së festave. Kryeministri holandez, Mark Rute, kumtoi se të gjithë shitoret dhe bizneset e jo domosdoshme, palestrat, mezejet, kinematë dhe teatrot do të mbyllen pesë javë, ndërsa nga 19 janari nuk do të punojnë as shkollat.

Restorantet dhe hotelet në Çeki përsëri do të mbyllen këtë të premte, tubimet janë kufizuar në 6 persona, ndërsa ora policore do të jetë në fuqi nga ora 23 deri në 05 të mëngjesit.

Kryeministri italian, Xhozepe Konte, porositi italianët të presin Krishtlindje pa tubime, tregje të krishtlindjes dhe me orë policore.  

Qeveria spanjolle planifikon periudhë “më të ndryshme” të festave me kufizim prej 6 personave në festa. Rekomandohet tubimet sociale të mbahen nëpër ballkonet e restoranteve apo në hapësira të jashtme.

Edhe gjendja në rajon nuk është aq e ndryshme. Në tre orë para Vitit të Ri, Turqia do të hyjë në “Lockdown” të plotë që do të zgjas deri më 4 janar. Vendimin e kumtoi presidenti turk Erdogan pas takimit në kabinetin e tij. Ai theksoi se urdhri për të qëndruar në shtëpi do të hyjë në fuqi më 31 dhjetor në orën 21.

Autoritetet greke kumtuan se restorantet dhe shkollat do të jenë të mbyllura deri më 7 janar, ndërsa do të ketë orë policore nga ora 21 deri në 05 të mëngjesit. Kufizime të lëvizjes mes rajoneve do të jenë në fuqi nga muaji i ardhshëm.

Edhe në Serbi përflitet për vendosjen e orës policore për Vitin e Ri, ndërsa në Kroaci do të analizohen gjendjet para se të sillet vendim për ashpërsimin e masave.

Deri më tani, numri i përgjithshëm i të infektuarve me virusin korona në botë ka tejkaluar 70 milion, tregojnë të dhënat më të reja nga OBSH, ndërsa numri i viktimave ka tejkaluar shifrën 1.67 milion.