Dhjetë fëmijë të xhihadistëve francezë, të cilët ndodhen në kampe për persona të zhvendosur nën kontrollin kurd në Siri, janë kthyer në Francë, ceket në kumtesën e Ministrisë së Punëve të Brendshme në Paris.
Këta janë “persona të mitur, jetimë apo raste humanitare”, thuhet në kumtesën e Ministrisë. Nuk është kumtuar se si fëmijët u larguan nga Siria apo ku saktë hynë në Francë.
Fëmijët u janë dorëzuar gjyqësisë franceze, do t’u nënshtrohen kontrolleve speciale mjekësore dhe do të merren nga shërbimet sociale, shtoi Ministria.
Nga disfata e SHI-së në mars të vitit 2019, Franca ktheu gjithsej 28 fëmijë nga Siria. Parisi iu falënderua administratës gjysmë-autonome kurde në Sirinë verilindore për bashkëpunimin në rastin e ri.
Franca refuzon të kthejë në shtëpi rreth 150 qytetarë të saj të rritur, burra dhe gra, duke preferuar të dënohen në vendin e ngjarjes. Situata është komplikuar me praninë e rreth 300 fëmijëve të xhihadistëve francezë, për kthimin e të cilëve kërkohet leja nga nënat e tyre.