FC Shkupi i pamposhtur në Maksimir, barazon 2-2 me Dinamon e Zagrebit

FC Shkupi i filloi me një rezultat fantastik ndeshjen e parë të raundit të dytë të Champions League në stadiumin Maksimir të Zagrebit. FC Shkupi ka arritur të barazojë (2:2) ndaj favoritit më të madh të këtij evenimenti si Dinamoja i Zagrebit.

Pas një loje të jashtëzakonshme të Faustinit para portës së vendasve, Kueven bëri një punë të shkëlqyer duke e kaluar Shkupin në epërsi 0-1 në minutën e 30-të.

Dinamoja i Zagrebit arriti të dilte nga humbja në fund të pjesës së parë, falë golit të Arijan Ademit, i cili në minutën e 44-të shënoi një gol të jshzakonshlm me kokë dhe rezultati në pjesën e parë u mbyll në barazim 1:1.

Në pjesën e dytë, skuadra e Sedlloskit luajti me shumë zgjuarsi duke mos lejuar shumë raste për kroatët, por Petkovic në minutën e 86-të i dha epërsinë Dinamo së Zagrebit në 2:1.

Shkupi nuk mund të largohej pa pikë nga Zagrebi dhe tre minuta më vonë, në minutën e 89-të, vjen goli mbresëlënës i Renaldo Cefas duke mbyllur komplet ndeshjen me rezultatin fantastik 2:2.

Shkupi tani ka një rezultat shumë favorizues para ndeshjes së kthimit në Shkup, pas një jave, më 26 korrik.