Financat nuk janë problemi kryesor në kushte të KOVID-it. Tani është momenti kur kompanive u nevojitet ulje e problemeve me procedurat burokratike, thonë analistët.
“Tani duam që ata gjashtë muaj të kontrollit, të ulet nevoja që të punësuarit dhe qytetarët të shkojnë të kontrollojnë a kanë të dhëna të sakta. Ne e dimë se ndodh që të mungojnë vite e vite në evidencën për stazh”, theksoi Sasho Kllekovski – analist.
Në ditën kundër burokracisë, të dhënat tregojnë se shteti kuoton mirë në krahasim me indeksin e burokracisë për dallim të vendeve tjera të Evropës. Por kur do të përshpejtohet procesi i asociacionit drejt BE, Qeveria duhet më shumë të fokusohet në uljen e ngarkesës burokratike ndaj kompanive, paralajmërojnë nga sektori.
“Maqedonia është lider në këtë aspekt. Në të ardhmen me procesin e asociacionit drejt BE, duhet të presim rritje të ngarkesës ndaj kompanive andaj masat qeveritare dhe politikat duhet të jenë shumë të kujdesshme. Kjo do të thotë se për kompanitë do të ketë procedura dhe obligime të reja që do të duhet t’i plotësojnë”, u shpreh Nikica Mojsoska Bllazhevski, Drejtor Ekzekutiv i “Maqedonia 2025”.
Zv.kryeministri për çështje ekonomike, Fatmir Bytyqi, tha se do të ketë ulje të ngarkesës burokratike ndaj kompanive në mandatin e tij katër vjeçar. Burokracia është bazë për korrupsion, shtoi ai.
“Do të donim pas këtij hapi të kalojmë drejt krijimit të kushteve më të mira për eliminimin e të gjithë proceseve të stërgjata dhe të panevojshme burokratike që ekzistojnë në vend, që të rritet transparenca dhe llogaridhënia e nëpunësve administrativ, për shkak se ata janë në shërbim të qytetarëve dhe biznes sektorit dhe sigurisht të risim efikasitetin dhe produktivitetin e tyre”, deklaroi Fatmir Bytyqi – zv/kryeministër për Çështje Ekonomike.
Një prej prioriteteve kyçe në të cilët do të punojë Qeveria në mandatin katërvjeçar, siç theksoi Bytyqi, është digjitalizimi. Në ditën ndërkombëtare për luftë kundër burokracisë, për herë të parë publikisht u prezantua metodologjia për llogaritjen e indeksit të burokracisë në vend.