Presidenti turk, Rexhep Taip Erdogan shpalli gjendje të jashtëzakonshme 3-mujore në 10 provinca të goditura nga tërmetet masive.
Gjatë një konference për media, Presidenti i Turqisë njoftoi se numri i të vdekurve nga tërmetet e fuqishme të së hënës në Turqinë jugore është rritur në 3.549.
Mijëra njerëz janë lënduar, por edhe mijëra të tjerë janë shpëtuar nga njësitet turke të kërkim-shpëtimit.
“Më shumë se 8.000 njerëz janë shpëtuar nga rrënojat deri më tani”, tha Presidenti Erdoğan pas tërmeteve të fuqishme të së hënës.
Ai njoftoi gjithashtu se 53.317 punonjës kërkim-shpëtimi dhe personel mbështetës aktualisht po punojnë në zonën e tërmetit.