“Ëndrra e Europës shtrihet në Ballkanin Perëndimor” – Von der Leyen mori mbështetjen e vetëm të 54% të eurodeputetëve

Almedina Ismajli, Strasburg

Përfaqësuesit e Parlamentit Evropian me pak më shumë se gjysmën e votave të shumicës apo 54% zgjodhën Komisionin e ri Evropian të udhëhequr për herë të dytë nga Ursula von der Leyen, e cila merr detyrën më 1 dhjetor. Pas miratimit të Komisionit Europian Kryetarja e Parlamentit Europian, Roberta Metsola, nënshkroi letrën që konfirmon përzgjedhjen dhe ia dorëzoi von der Leyen. Komisioni i ri Evropian përbëhet nga 27 anëtarë – një nga çdo shtet anëtar i BE-së – kryetarja dhe 6 nënkryetarë dhe 20 komisionerë evropianë. 

“Ëndrra e Evropës shtrihet në Ballkanin Perëndimor, në Ukrainë, në Moldavi dhe më gjerë. Ne kemi parë guximin e popullit të Ukrainës në ndjekjen e rrugëtimit të tyre evropian. Ne kemi parë qëndrueshmërinë e popullit të Moldavisë për t’iu përmbajtur të ardhmes së tyre evropiane. Ne kemi parë angazhimin e Ballkanit Perëndimor për të reformuar, rritur dhe përgatitur për t’u bashkuar me Unionin tonë. Në të njëjtën kohë, ne kemi parë se si Rusia nuk do të ndalet para asgjëje për t’i penguar ata të kenë një të ardhme evropiane. Por të nderuar anëtarë, angazhimi i Evropës ndaj këtyre vendeve do të jetë gjithmonë më i fortë. Le të mos ketë asnjë dyshim, ne duam Ukrainën si pjesë të Bashkimit Evropian”, deklaroi Ursuala von der Leyen.

Ndryshimet kushtetueses me prapaveprim, nuk besoj se mund të kalojnë, por kërkesat e qeverisë së RMV-së për të pasur garanci, apo të ardhme të parashikueshme janë legjitime. Duhet të sigurohet ndryshimi i Kushtetutës, por edhe të mos ketë kërkesa shtesë nga Bullgaria, e në këtë drejtim Parlamenti europian është me Maqedoninë e Veriut tha eurodeputeti austriak Vajc.

“Ne kemi nevojë për një siguri ligjore nga ana bullgare që pasi kërkesa e tyre kryesore të përfshijë pakicat bullgare kushtetuta nuk do të dalë me një kërkesë tjetër, ne kemi nevojë për një kërkesë ligjore. Dhe unë mendoj se këtu Bashkimi Evropian qëndron në të njëjtën anë si Maqedonia e Veriut. Cila është zgjidhja e drejt nuk mund ta them ende, zgjidhja bëhet duke folur me njerëz, ne nuk kemi ende një komision të ri dhe Bullgaria nuk ka ende qeveri. Për të ju dhënë një përgjigje serioze është shumë herët”, është shprehur Thomas Waitz, eurodeputeti raportues për Maqedoninë e Veriut.

Në takimet që realizuam gjatë këtyre dy ditëve në Parlamentin Europian në Strasburg të Francës, dëgjuam mesazhe pozitive si dhe me tone pozitive u fol për rrugën e Maqedonisë së Veriut drejt BE, nga zyrtarë të lartë dhe eurodeputetë, por mesazhi ishte i qartë “nuk ka BE për Maqedoninë e Veriut pa ndryshime kushtetuese”. Almedina Ismajli, .