Ekonomia gri “ha” mbi një miliard euro në vit! Trenovski: Nga TVSh-ja mund të akumulohen edhe 350 milionë euro

Ekonomia gri “ha” mbi 1 miliard euro në vit, para që përfundojnë në xhepat privatë në vend të thesarit të shtetit dhe i kushtojnë BPV-së mbi 4 miliardë euro. Nevojiten reforma strukturore, arkëtim efikas, por edhe shpenzimi i parave të qytetarëve dhe vullneti politik për luftimin e korrupsionit dhe ekonomisë gri, theksoi profesori universitar Borçe Trenovski në emisionin “Biznes 21”.

Arsyet kryesore për shkallën e lartë të ekonomisë gri, që lëviz rreth 30% të BPV-së, janë standardi i ulët i jetesës së qytetarëve, kushtet e paparashikueshme për bizneset, joefikasiteti i institucioneve dhe shërbimeve të inspektimit, si dhe morali tatimor të qytetarëve. Sipas Trenovskit, pa reforma, rreziqet për realizimin e projeksioneve buxhetore të këtij viti janë të mëdha.

Analizat kanë treguar se pa reforma strukturore vendi nuk do të përparojë as në 20 vitet e ardhshme ndërsa BPV-ja nuk do të rritet mbi 2 apo 3%.