Dy persona të therur para Poliklinikës së Çairit, pasi morën mjekimin njëri u arrestua – ja çfarë ndodhi

Kacafytja u shndërruar në përleshje fizike, duke shkaktuar lëndime trupore tek dy të rinj nga Shkupi. Ata ishin gjetur para Poliklinikës së Çairit nga ekipi i Ndihmës së shpejtë mjekësore, të cilët më pas rastin e kanë denoncuar në polici, transmeton TV21.

Njëri nga të lënduarit, pasi mori trajtimin mjekësor, është privuar edhe nga liria.

“Më 08.09.2023 në ora 01.16 në SPB Shkup është denoncuar se para Poliklinikës së Çairit nga ekipi i Ndihmës së Shpejtë Mjekësore janë gjetur të lënduar me mjet të mprehtë dhe mjet të fortë B.P. dhe A.Ll.(21) nga Shkupi, të cilët sipas të denoncuarës, pas kacafytjes paraprake janë përleshur dhe fizikisht. Personat janë dërguar në Spitalin e Përgjithshëm të Qytetit “8 Shtatori” dhe në Kompleksin e Klinikave “Nënë Tereza” për dhënien e mjekimit, kurse më pas A.Ll. është privuar edhe nga liria”, qëndron në njoftimin e Ministrisë së Punëve të Brendshme.