Duhanpirja po vr’et edhe të rinjtë! Mjeku Cuculi me fushatë “Duhani ta shkurton jetën për 10 vjet”

Mjeku Florim Cuculi nga Kërçova, që jeton e punon në Zvicër, ka filluar fushatën kundër pirjes së duhanit, gjë që sipas tij, ia shkurton njeriut jetën 10 vjet.

Ai thotë se duhanpirësit vetë duhet ta kuptojnë se sa i dëmshëm është duhani dhe kështu ta bindin vetën që ta lënë. Po ashtu, duhanpirësit mund të drejtohen edhe te mjeku ose psikologu.

Për duhanpirjen pyetëm edhe qytetarët. Një 80-vjeçar na tha se nuk e konsumon duhan dhe teksa beson se do të jetojë edhe 10 vite tjera për shkak jetës së shëndetshme.

Edhe disa të tjerë me të cilët folëm ishin të mendimit se duhani e shkurton jetën.

I pyetur për cigaret elektronike, që janë tënd i kohëve të fundit, mjeku Fatmir Cuculi thotë se ende nuk janë bërë studime të mirëfillta për të vlerësuar nëse e dëmtojnë organizmin e njeriut në një afat më të gjatë kohor, por sipas mendimit të tij, cigaret tradicionale mbeten më të rrezikshme.