Filloi të funksionojë sistemi pa sportel për marrjen e dokumentit për mosndëshkim. Qytetarët këtë dokument mund ta marrin me aplikim përmes celularëve të tyre ose kompjuterëve. Ministri i Drejtësisë, Bojan Mariçiq i cili sot qëndron në “Tekstilijadën” e pestë në Shtip thotë se tashmë kanë qindra kërkesë nëpër gjykatat e shtetit.
“Në ditët e para procesi rrjedh shkëlqyeshëm dhe ato do të jepen në atë mënyrë. Sistemi është i ri, nëse ka ndonjë pengesë në vetë fillimin. Por, tani për tani edhe azhurnimi i të dhënave në Gjykatën Supreme, e cila mbledh përmes sistemit AKMIS dhe dhënies së këtyre vërtetimeve shkon pa problem. Sipas informatave qytetarët tashmë e shfrytëzojnë këtë shërbim dhe sistemi funksionon shkëlqyeshëm. Qytetarët, në mënyrë elektronike, në mënyrë moderne i marrin këto vërtetime, gjegjësisht vërtetimet për mosndëshkim. Bëhet fjalë për sistem tërësisht të ri, por e rëndësishme është se gjithçka zhvillohet në rendin më të mirë”, deklaroi Mariçiq.
Informoi se ky shërbim është vetëm njëra nga disa të tjera të cilat tërësisht do të digjitalizohen. Së shpejti do të mundet në mënyrë elektronike të merren edhe çertifikatat e dosjeve penale, ndërsa punohet edhe në shërbimin e tretë, gjegjësisht dhënie digjitale të vërtetimeve se kundër personit nuk ka sanksion – ndalesë për kryerje të profesionit, veprimtarisë ose detyrës. Tërë procesi i digjitalizimit të gjyqësisë të cilin e udhëheq Ministria e Drejtësisë, parashikon vendosje të teknologjisë informatike të të gjitha 34 gjykatave në vend dhe pothuajse në 200 salla të gjykatave.