Bashkimi Evropian dorëzoi edhe një dërgesë tjetër të furnizimeve në Maqedoninë e Veriut këtë javë, në përpjekje për të ndihmuar vendin në ballafaqimin me krizën e koronavirusit. Kjo ndihmë ofrohet nga Republika e Sllovakisë, përmes mekanizmit të mbrojtjes civile të BE-së, dhe dorëzimi i donacionit do të bëhet sot në kazermën “Goce Dellçev”.
Ndihma përbëhet nga 10,000 maska FFP3, 6,000 maska FFP2, 20,000 maska kirurgjikale dhe sende të tjera të tilla si pajisje higjenike dhe gjeneratorë. Maska shtesë ,75,000 maska FFP2 dhe 35,000 mbulesa u dhuruan nga RescEU rezerva mjekësore në Gjermani.
“Falënderoj Gjermaninë për organizimin dhe transportin e kësaj pajisje shpëtimi të Unionit (rizgEU), si dhe Sllovakinë për bujarinë e tyre ndaj fqinjëve tanë të ngushtë në Ballkanin Perëndimor. Pajisjet mbrojtëse personale mbeten thelbësore ndërsa ne vazhdojmë të luftojmë koronavirusin”, tha komisari për menaxhim të krizave Janez Lenarçiq.
Dorëzimi i furnizimeve do të shënohet me ngjarje që do të ndodhë sot në ambientet e Drejtorisë për Mbrojtje dhe Shpëtim duke filluar nga ora 15:00. Fjalimet zyrtare do të mbajnë ambasadori i BE-së David Ger, zëvendëskryeministri për Çështjet Evropiane Nikolla Dimitrov, ambasadori i Sllovakisë Henrik Markus dhe Drejtori i Drejtorisë për Mbrojtjen dhe Shpëtimin Adnan Xhaferoski.
Në mënyrë që të ndihmojë Maqedoninë e Veriut të menaxhojë pasojat ekonomike të pandemisë, BE siguroi 160 milionë euro në ndihmë makro-financiare në formën e kredive afatgjata me norma të favorshme. Kësti i parë prej 80 milionë euro u disbursua javën e kaluar. Më parë, BE siguroi tre milionë euro në mbështetje të drejtpërdrejtë të buxhetit për sektorët e punës dhe arsimit. Ndihmë e konsiderueshme për kompanitë dhe tregun e punës (49 milionë euro në formën e granteve dhe kredive pa interes) do të jetë në dispozicion deri në fund të muajit.