Presidenti turk, Rexhep Tayyip Erdogan, është zotuar se do të rindërtojë rajonin jugor të vendit të tij, të goditur muajin e kaluar nga tërmete të fuqishme që morën jetën e 46 mijë e 104 personave.
“Sot, derisa lëmë pas javën e katërt nga tërmetet, ne shohim më qartë përmasat e fatkeqësisë që përjetuam dhe ndjejmë dhimbjen e humbjeve tona më thellë”, tha presidenti Erdoğan pas një takimi të kabinetit në kryeqytetin Ankara.
Türkiye’s President Erdogan on #TurkiyeQuakes:
— TRT World (@trtworld) March 6, 2023
– Public authorities & institutions provide service to 5.8M people on daily basis
– Türkiye aims to set up 100,000 containers over 2 months for disaster victims
– 488,000 new homes to be built within a year pic.twitter.com/qH48J6wmru
Më 6 shkurt, dy tërmete me magnitudë 7.7 dhe 7.6 goditën 11 provinca turke.
Mbi 13.5 milionë njerëz u prekën nga tërmetet në këto provinca turke, si dhe shumë të tjerë në Sirinë veriperëndimore.
“Qëllimi ynë është që në dy muajt e ardhshëm të fillojmë ndërtimin e 244 mijë ndërtesave dhe 75 mijë shtëpive të fshatit”, tha presidenti turk, duke shtuar se ndërtimi i 22 mijë prej tyre tashmë ka filluar.
Ai theksoi se brenda një viti gjithsej 488 mijë shtëpi të reja do të ndërtohen për viktimat e fatkeqësive në zonat e goditura nga tërmeti.
Erdogan gjithashtu tha se 100 mijë kontejnerë do të vendosen brenda dy muajve në rajon për 500 mijë viktima të tërmetit që të jetojnë në kushte më të mira./21Media