Djepi mbetet simbol i çdo fëmiu që lind, zdrukthtaria në zhdukje, të rinjve nuk u intereson ky profesion

TË FUNDIT

Nadi Islami, zdrukthtar nga qyteti i Tetovës për 40 vjet. Është para pensionit ndërsa profesioni i tij shkon drejt zhdukjes.

 Ai thotë se koha kur prindërit vinin dhe sillnin fëmijët e tyre për të marrë zanatë ka kaluar dhe askush nuk ka interesim, duke filluar nga fëmijët e tij të cilët i janë përkushtuar shkollimit.

“Këta të rinjtë nuk kanë interesim se edhe nuk ka shitje boll si më parë, nallet më parë shiteshin tash  nuk shiten aspak, bishtat e kosës edhe ata nuk shiteshin tash të gjithë me traktor i kosisin  vetëm ata fshatrat e malit çka janë Vicës Gajres por shumë dobët”, tha Nadi Islami, zdrukthtar.

Tani ka interesim vetëm për çiftelia dhe djepa, e pandemia ka prekur edhe këtë profesion pas anulimit të dasmave.

 “Për çiftelia ka interesim  për djepa ka interesim pak më parë më shumë janë shitur por tani  edhe me virusin  shumë keq ka ardhur   koha  tash nuk ka as dasmë as asgjë, dhe këto të Kurbetit ­ka janë Zvicra , Gjermania sën vijnë. Shitje nuk ka shumë pakë vetëm  për një copë bukë del tjetër asgjë”, u shpreh Nadi Islami, zdrukthtar.

Edhe përkundër kësaj djepi ngelet një simbol tek shqiptarët, ai nga mërgimtarët merret edhe jashtë , ndërsa çdo fëmiu i blihet një djep qoftë në Gjermani apo Zvicër.

 “Më shumë kanë marrë djepa  për Gjermani Zvicër i paketojnë  se atje nuk ka por edhe nëse ka janë shumë shtrenjtë këtu ma lirë janë  dhe I marrin nga këtu dhe I dërgojnë me vetura ose autobusë”, theksoi Nadi Islami, zdrukthtar.

Kohë më parë ky profesion ishte shumë fitimprurës, dhe çdo shtëpi kishte nevojë për bishta të mjeteve bujqësorë, djep apo ndonjë çifteli, por tani Nadiu thotë se shitja ka rënë dukshëm, ndërsa bashkë me pensionimin e tij edhe kjo shitore si duket do të mbyllet.

error: Content is protected !!