Dimitrov: BE të mbajë fjalën! “Tregimi i Maqedonisë është test nëse Ballkani do t’i besojë BE-së”

Beteja jonë, është gjithashtu betejë e BE. Të mbajnë fjalën! Është koha që të fillojmë negociatat e merituara për anëtarësim dhe kështu do të jemi së bashku fitues – kjo është porosia e zv.kryeministrit për çështje evropiane, Nikolla Dimitrov për Ditën e Evropës, 9 maji. Tregimi i Maqedonisë është test nëse BE-së mund t’i besojë Ballkani për shkak të: Kohës së humbur, progresit të dukshëm, zgjidhjes së çështjeve të rënda – thotë Dimitrov. Ai nesër së bashku me Kryeministrin do të udhëtojnë në Bruksel ku do të takohen me kryetaren e KE, Ursulla Fon Der Lajen.

 “Kemi shumë pak pika të ndritshme në Ballkan. Nga Maqedonia e Veriut vjen shpresa. Andaj vendimet që do të sillen rreth nesh do të reflektohen në gjithë Ballkanin perëndimorë. Na takon neve që të gjejmë mënyrë në përputhje me parimet evropiane, të dalim nga ky qorrsokak këtë vit”, tha Nikolla Dimitorv – zëvendëskryeministër për Çështje Evropiane.

Në lidhje me pyetjen për ndarjen e Maqedonisë së Veriut dhe Shqipërisë nga pakoja e përbashkët në rrugën drejt BE-së, Gir thotë:

 “Kjo çështje u ngrit gjatë vizitës së komisarit Varhelji. Ai tha se KE punon në atë që të caktohet konferencë ndërqeveritare me të dy vendet, me Maqedoninë e Veriut dhe Republikën e Shqipërisë, por ende nuk kemi arritur deri te ai moment. Kjo është çështje me të cilën duhet të merren Këshilli Evropian dhe 27 vendet anëtare që e adresojnë këtë çështje2, u shpreh Dejvid Gir – Ambasador i BE-së në Maqedoninë e Veriut.

Gir rikujtoi se dërgesa e parë e 120 mijë vaksinave të dhuruara filloi nga Maqedonia. Vendi ka marrë 230 milion euro nga BE për sigurimin e ndihmës urgjente mjekësore: mbi 25 respiratorë, 35 njësi pajisje medicinale, mbi 2 milion njësi të pajisjes personale mbrojtëse dhe ndihmë tjetër financiare me qëllim të zbutjes së pasojave socio-ekonomike nga pandemia dhe ruajtja e vendeve të punës. Ai paralajmëroi ndihmë edhe në të ardhmen.