Dikush në punë e dikush në shtëpi! Prej 1 tetori, e diela shpallet ditë jopune

Nga 1 tetori dita e diel do të jetë ditë jo pune, por jo për të gjithë veprimtaritë. Ministri i Ekonomisë, Kreshnik Bekteshi shpjegoi se kush mund të punojë e kush jo.

 “Të dielën, do të mund të punojnë shitore të specializuara apo shitore të specializuara apo kioske për shitjen e akulloreve, ëmbëlsirave , apetisanë, lule, suvenire, filigran, gazeta dhe cigare në vendet turistike të përcaktuara në Ligjin për veprimtarinë e turizmit. Shitore në kuadër të pompave të benzinës të cilët ushtrojnë tregti me pakicë, kryesisht me ushqim, pije dhe duhan. Shitore, stenda dhe kioske në qendrat tregtare. Është e rëndësishme të potencohet, se të njëjtat do të mund të punojnë vetëm nga ora 10:00 deri 18:00”, tha Kreshnik Bekteshi – Ministër i Ekonomisë.

Ministrja e Punës dhe Politikës Sociale, Jagoda Shahpaska  tha se ndryshimet ligjore janë sjell me bashkëpunim me sindikatat, përfaqësues të punëtorëve dhe punëdhënësve. Zbatimi i këtij ligji do të kontrollohet nga Inspektorati i Tregut dhe Punës.

 “Këta punëtorë, për punën gjatë së dielës do të marrin mëditje më së paku 50 për qind më ta lartë se mëditja e rregullt. Në mënyrë shtesë, do të marrin edhe ditë të lirë që do ta shfrytëzojnë në 7 ditët e ardhshme. Zbatimi i ligji do të kontrollet nga ana e Inspektoratit të Tregut dhe Punës. Ata punëdhënës që do të punojnë të dielën, duhet ta paraqesin punën në Inspektoratin Shtetëror të Punës, si organ kompetente për kontrollin e zbatimit të ligjit. Punëdhënësit që do të shkelin ligjin do t’u ndalohet puna 15 ditë dhe do t’u lëshohet urdhërpagesë për kundërvajtje”, u shpreh Jagoda Shahpaska – ministre e Punës dhe Politikës Sociale.

Shpallja e ditë së diele ditë jo pune thonë nga Qeveria se do të ndihmojë në avancimin e të drejtave të punëtorëve dhe punëtorët do të jenë më efikas dhe më të motivuar. Ndryshimet ligjore së shpejti do të dërgohen edhe në Kuvend për miratim.