Këto pamje sot në mëngjes i regjistroi një kamerë amatore në rrugën Prishtinë-Fushë Kosovë, te ETC-ja.
Dikush ishte përplasur me “golfin” në shtyllën e semaforit, ndërsa pak më vonë, kur ekipi i KosovaPress-it vizitoi vendin, aty nuk ishte më as makina, as ndonjë polic apo dikush tjetër që të tregojë se çfarë ishin pasojat e aksidentit.
Përkundër disa tentimeve që të marrim informatë me telefon nga zyrtarët e policisë, asnjë nuk na e ngriti telefonin dhe s’na u përgjigj mesazheve, kështu që na mbetet të shpresojmë se përveç dëmit material askush s’ka pësuar ndonjë lëndim.