Dejvid Gir apelon: Përshpejtoni me reformat! Pikërisht në këto reforma “pengohen” subjektet politike

TË FUNDIT

Përdorimet e niseshtes së misrit jashtë kuzhinës

Niseshteja e misrit mund të jetë një ndër përbërësit kryesorë të kuzhinës suaj, por ajo që nuk dinit është...

Zejdi apel kryeministrit, të lirohen të pafajshmit në burgje. Ademi i thotë se po bën politikë

Skender Rexhepi nga koalicioni ASH-AAA, nëpërmjet emisioni Click Plus i bëri apel kryeministrit Zaev që të lirohen të pafajshmit...

Zejdi: Në protestën për Monstrën policisë i mungonin vetëm tanket

Skender Rexhepi nga koalicioni ASH-AAA nëpërmjet Click Plus komentoi edhe protestat e së premtes për rastin “Monstra”. Rexhepi tha...

Zejdi: Me votëbesimin e sotëm të Qeverisë, Zaev-Ahmeti dëshmuan se kanë kompleks për shumicën jostabile!

Pak para votimit të votëbesimit të Qeverisë, opozita braktis Kuvendin. Skender Rexhepi nga koalicioni ASH-AAA, në Click Plus, tha...

Shumica parlamentare është stabile – thotë në Click Plus deputeti Arbër Ademi

Deputeti i BDI-së, Arbër Ademi në Click Plus, komentoi edhe votëbesimin e Qeverisë e cila ishte kërkesë e kryeministrit...

Euro-ambasadori Dejvir Gir shpreh optimizëm rreth pozicioneve të vendit tonë. Thotë se për Maqedoninë e Veriut nuk ka Plan B dhe se qëllimi është aderimi në BE. Në një intervistë për MIA, ambasadori Gir me shpresë se në gjysmën e parë të këtij viti mund ta presim Konferencën e parë Ndërqeveritare mes RMV-së dhe BE-së. Sipas tij, kjo do të thotë fillim i negociatave të vendit tonë për anëtarësim të plotfuqishëm në Union.

“Këto bisedime vazhdojnë në Bruksel dhe me të vërtetë Presidenca portugeze është zotuar të ndihmojë dhe do ta shtyjë procesin. Ndërkohë, ajo që është e rëndësishme është që Maqedonia e Veriut, së bashku me Bullgarinë, të angazhohen në mënyrë dypalëshe në përpjekje për të gjetur një zgjidhje që është e pranueshme për të dyja palët, e cila do të mundësojë që situata të shkojë përpara. Nuk do të flas për Plan B, nuk ka Plan B. Qëllimi është aderimi i Maqedonisë së Veriut në Bashkimin Evropian. Liderët e BE-së e përsërisin perspektivën evropiane të Ballkanit Perëndimor dhe personalisht jam optimist se do të hapërojmë përpara”, tha Dejvid Gir – Ambasador i BE-së në Maqedoninë e Veriut.

Gir shpreh mirëkuptim të plotë se njerëzit në vend ndjehen të frustruar dhe mezi po presin të ecin përpara. Ai thekson se për të ecur përpara, nevojitet angazhim. Këshillon që Qeverinë ta zbatojë dhe ta përshpejtojë procesin reformues, sepse siç tha, pikërisht reformat janë pengesë për subjektet e brendshme politike. Partitë edhe kësaj radhe me qëndrime të ndara dhe akuza të ndërsjella.

“Rekomandimet e euro-ambasadorit janë një tregues i mirë për atë se çka ka humbur Qeveria në të kaluarën. Lidhur me reformat, Qeveria nuk ka arritur ndonjë efekt thelbësor në këtë fushë. Ne ende kemi nivelin më të lartë të korrupsionit në rajon. Ne kemi gjyqësor të politizuar”, deklaroi Skender Rexhepi – deputet i AAA-ASH.

Jemi të hapur për bashkëpunim për të gjitha çështjet, thotë Rexhepi, duke shtuar se interesi shtetëror dhe interesi i të gjithë qytetarëve janë integrimet evropiane.

Mucunski nga VMRO-DPMNE thotë se BE nuk do të heshtë për këtë proces.

“Ne nuk mund të presim se as BE-ja, e as vendet-anëtare do ta heshtin këtë proces, përkundrazi, sa më afër që do të jemi deri te anëtarësimi i plotë, aq më të zhurmshëm do të jenë ata për ato çështje. Çdo qytetar kur hyn në një gjykatë, në një prokurori, në një institucion, a ndjen se po funksionon siç duhet”, u shpreh Timço Mucunski nga VMRO-DPMNE.

Rruga evropiane është e vetmja për vendin tonë, thekson Arben Zyberi nga BDI-ja. Sipas tij, problemi me Bullgarinë është më i madh sesa procesi i reformave.

“Proceset reformuese janë procese reformuese. Ne gjithmonë duhet të reformojmë që ta arrijmë standardin e BE-së. Edhe po të anëtarësohemi në BE, ne do të duhet të zbatojmë reforma në disa pjesë të cilat nuk funksionojnë. Por, kësaj here problemi me Bullgarinë ishte evident dhe unë mendoj se ky problem është më i madh”potencoi Arben Zyberi nga BDI.

Në intervistën, Gir tha se zgjidhja e kontestit me Bullgarinë dhe përshpejtimi i procesit të reformave, kanë rëndësi të madhe dhe janë mënyra më e shpejtë për t’u afruar dhe për t’u kyçur në familjen evropiane.

TË NGJAJSHME