Nikolla Miceski: “Propozimi ishte që në pauzë, pa e ngarkuar seancën t’i votojmë 4 ligjet të cilat do të kalojnë… për çka përgatitesh t’i biesh ziles… lëri se unë do të merrem me ta”.
Talat Xhaferi: “Nuk po i bie ziles për ty…por për ata që flasin”.
Nikolla Micoski: “Faleminderit që kujdeseni për rendin. Do të ishte mirë edhe ju ta respektoni rendin dhe do të ishte më mirë”.
Nuk po merreshin vesh nëse do të duhet të mbajnë seancë me pyetje deputetësh, apo seancën e 36-të me të vetmen pikë në rend dite, pakon ekonomike.
“Unë në seancë veç më të thirrur sipas procedurës nuk mund të bëjë precedent që për të njëjtat pika që gjenden në seancë përsëri të thirri seancë tjetër”, tha Talat Xhaferi – kryetar i Kuvendit.
Pas kësaj deputetët e VMRO-DPMNE-së lëshuan sallën e Kuvendit.
E për këtë kryeparlamentari Xhaferi, thirri koordinatorët në ad-hoc koordinim. Pas pothuajse një orë koordinatorët e grupeve parlamentare u morën vesh për ta punën me seancën e 36, me të vetmen pikë në rend dite ligji për pakon e 5 ekonomike. Me 87 vota “për”, asnjë “kundër” dhe asnjë “përmbajtur”, u miratua nevoja e miratimit të këtij Ligji, për çfarë i njëjti dërgohet për procedurë të mëtutjeshme në komisionin amë.
Por opozita shqiptare nuk lëshon pe.. Ata do të vazhdojnë me bllokada në Komisionin për financa dhe në çdo komisioni tjetër.
“Për neve është e papranueshme dhe neve kemi përgatitur metodologjinë për bllokimin e çdo komisioni përfshi edhe atë për financa dhe buxhet që ta kuptojnë gjithë qytetarët, duhet ta kuptojnë se Qeveria nuk guxon t’i diskriminon qytetarët në ata që janë të mirë, të kapshëm dhe të mundshëm për vota nga ta dhe qytetarët të cilët nuk kanë mundësi t’u ndihmojnë dhe nuk dëshirojnë t’u ndihmojnë përmes ligjit për shtetësi sepse nga ata nuk shohin interes nesër”, u shpreh Skender Rexhepi – koordinator i grupit parlamentar ASH-AAA.
E për bllokadën e opozitës shqiptare, Bilall Kasami i Lëvizjes Besa, thotë se e bëjnë për të fituar pikë politike.
“Të gjithë partnerët e koalicionit në këtë qeveri pajtohemi dhe jemi duke punuar intensivisht për gjetjen e një zgjidhje praktike që do të jetë në përputhje të plotë me konventën e Kombeve të Bashkuara për reduktimin e qytetarëve pa shtetësi dhe Konventën evropiane”, deklaroi Bilall Kasami – Kryetar i Lëvizjes Besa.
Pas zhbllokimit të Ligjit për pako e pestë ekonomike, Kuvendi ka vazhduar me seancë me pyetje deputetësh. Pakoja ekonomike e Qeverisë parashikon subvencionimin e kompanive të prekura nga kriza t’i mbulojnë rrogat minimale të punësuarve.