Çulev: 5.397 persona e kanë shkelur orën policore, 1.777 nuk kanë mbajtur maska

Të dhënat statistikore tregojnë se MPB-ja ditëve të kaluara, përkatësisht zyrtarët e policisë ishin në nivelin e detyrës së tyre, sepse shëndeti i qytetarëve është më i rëndësishëm. Në fundjavë, MPB-ja u përfshi në marrjen e masave për të përcaktuar nëse kufiri, mbrojtja personale – maska, sigurimi i karantinës shtetërore dhe kontrolli në ambientet e hotelerisë së bashku me Inspektoratin Shtetëror të Tregut, njoftoi ministri i Punëve të Brendshme Naqe Çulev në konferencën e sotme për shtyp.

Nga e enjtja nga ora 21:00 deri sot në territorin e të gjithë vendit, MPB-ja regjistroi gjithsej 5.397 shkelje të orës policore, ndërsa pjesa më e madhe 340 gjenden në territorin e SPB Shkup.

Për mosrespektim të dekretit për bartjen e pajisjeve mbrojtëse personale, janë konstatuar 1.777 shkelje edhe atë, siç tha Çulev, kryesisht në SPB Strumicë, ku ka 417 shkelje dhe 356 në territorin e SPB Ohër. Deri më tani, gjithsej 8.188 shkelje për mos bartje të pajisjeve personale.

Fundjava e kaluar, në bashkëpunim me Inspektoratin Shtetëror të Tregut, janë kryer 1.543 kontrolle në ambientet e hotelerisë dhe janë regjistruar 22 shkelje, nga të cilat 18 në territorin e SPB Ohër dhe katër në SPB Strumicë.

Sipas Çulevit, janë lëshuar 1.648 vendime për izolim dhe 584 vendime për vetizolim. MPB-ja kreu 8.701 kontrolle të personave në vetizolim dhe izolim.

Ministri Çulev u bëri apel të gjithëve që të përmbahen nga sulmet e pabazuara që dëmtojnë policinë.

“Jam i vetëdijshëm për revoltën e qytetarëve për kufizimin e lëvizjes, por qëllimi është mbrojtja e shëndetit të qytetarëve, ndërsa vendimet merren me propozim të Komisionit për Sëmundje Infektive, ndërsa MPB-ja ka detyrë dhe detyrim të kontrollojë zbatimin e tyre”, tha Çulev.

Sa i përket akuzave të bëra nga ana e Qeverisë kundër tij, siç tha ai, gjërat janë të qarta që nga dita e parë si ministër i Punëve të Brendshme.

“Pozicioni im është që MPB-ja të funksionojë në mënyrë profesionale, jo selektive dhe ligjore. Në thelb, në të kaluarën, kjo është treguar në praktikë. Padyshim që ka gabime dhe lëshime dhe ato janë pjesë e punës”, tha ndër të tjera Çulev.